கே விஸ்வநாத் மின்னி மறைந்த கலையின் உன்னதம்

அஞ்சலி

கடந்த சில நாட்களுக்கு முன் கே..விஸ்வநாத் எனும் தெலுங்கு சினிமாவின் மகத்தான் மேதை மறைவுற்ற செய்தி தென்னிந்தியா முழுக்க சமூக ஊடகங்களில் மிகப்பெரிய் அதிர் வலைகளை உருவாக்கியது இதைக் கண்ட ஒரு செய்தி ஊடகம் ஆர்வக் கோளாறில் தனுஷ் நடித்த யாரடி நீ மோகினி பட நடிகர் கே.விஸ்வநாத் மறைவு என செய்தி போட பலரும் கொதித்துப் போய் அந்த ஊடகத்தை இணையவாசிகள் பகிர்பகடி செய்வதையும் பார்க்க முடிந்தது. கே.விஸ்வநாத் பற்றி இந்த தலைமுறைக்கு அறிமுகம் செய்வ்தாக இருந்தால் கலை பற்றியும் கலைஞன் பற்றியும் குறைந்த அளவுக்காவது சில விடயங்களை சொல்லமால் கடக்க முடியாது . டைட்டானிக் படத்தின் இறுதிக்காட்சியில் கப்பல் மூழ்கும் அபாயத்தை காப்டன் அறிவித்து உயிரைக் காப்பற்றிக்கொள்ள அறிவிக்கும் போது அப்போதும் கலைந்து போகாமல் அதுவரை வாசிக்கும் இசைக்கோர்வையை விட்டு விலகாமல் உயிரே போனாலும் பரவாயில்லை என தொடர்ந்து அவர்கள் இசைக்கருவிகளை வாசிக்கும் போது உகலம் முழுக்க அனைத்து அரங்குகளிலும் கைதட்டி உணர்ச்சி வசபட்டனர். அப்படி இந்திய சினிமாவில் கலைக்கும் கலைஞனுக்குமான உறவைச்சொன்ன இயக்குனரக்ள் என்றால் நூற்றாண்டு இந்திய சினிமாவில் இருவர் மட்டுமே அந்த பெருமைகுரியவ்ர்களாக இருக்கின்றனர் ஒருவர் ஜனக் ஜனக் பாயல் பஜே எடுத்த சாந்தாராம் இன்னொருவர் அண்மையில் மறைந்த கே. விஸ்வநாத். சாந்தாரம் படங்கள் கூட கலை பற்றி மட்டும் பேசும் ஆனால் விஸ்வ நாத்தின் படங்களில் கூடுதலாக் கலையோடு சமூகத்தில் புரையோடிகிடக்கும் சாதியம் வர்க்க பேதம் பெண்ணியம் , மூட நம்பிக்கை எதிர்ப்பு ஆகியவையும் கலந்து மரபும் நவீனமும் சம விதத்தில் கலந்திருப்பது அவரது தனித்தன்மை வெற்றி பெற்றவர்களுக்கு விழும் கைதட்டல்களை உற்றுப் பாருங்கள் அதில் தாளம் பிசகி தனியாக சுதி சேராமல் ஒன்று தட்டிக்கொண்டிருக்கும் தோற்றுப்போனவனின் கைகளில் சிதறும் கண்ணீர்துளிகளுக்கு பின்னால் வலியும் வேதனையுமிக்க பல கதைகள் உண்டு காசிநாதன் விஸ்வநாத் எனும் தெலுங்கு சினிமாவின் மகத்தான இயக்குனர் பெற்ற திரைப்பட வெற்றிகளுக்கு பின்னால் இருந்தது அப்படிப்ப்ட்ட தோல்வியுற்ற கலைஞனின் கதைகள் தான் 1939 ம் ஆண்டு ஆந்திர மாநிலம் குண்டூர் மாவட்டத்தில் பிப்ரவரி 19ல் பிறந்த கே. விஸ்வ்நாத் சென்னயில் வாஹினி ஸ்டூடியோவில் ஒரு சவுண்ட் இன்ஜீனியராகத்தான் வாழ்க்கையைத் துவக்கினார் பிற்பாடு கே.வி ரெட்டி என்பவரிடம் பாதாள பைரவியில் 1969ல் உதவி இயக்குனராக சேர்ந்தார். 1965ல் நாகேஸ்வ்ர்ராவ் காஞ்சனா ராஜ் ஸ்ரீ நடித்த ஆத்மகவுரவம் தான் அவரது முதல் திரைப்படம். தொடர்ந்து அவர் பல படங்களை இயக்கி வந்த போதும் அவை அனைத்துமே சுமாரன வெற்றி அல்லது படுதோல்விப் படங்கள் . நல்ல வேளை அவர் இந்த காலத்தில் இயக்குனராகவில்லை . இருந்தால் இரண்டாவது தோல்வியிலேயே வீட்டுக்கு அனுப்பியிருப்பர்கள் சுமார் பத்துக்கு மேற்பட்ட சுமார் படங்களுக்குப்பின் 1975ல் சிரிசிரிமுவ்வா எனும் படம் தான அவருக்கு ஓரளவு அங்கீகாரத்தை கொடுத்த்து அதில் கைவினைப் பொருட்களை விற்கும் கலைஞர்களின் வாழ்க்கையை மையமாக்க் கொண்டு கதையை உருவாகியிருந்தார். படத்தின் படப்பிடிப்பு முடிந்து காரில் வீடு திரும்பும் வழியில் அடுத்த படத்துக்கான கதை உருவாகியிருக்கிறது. இச் சமயத்தில் பேர்ல்ல் சினிமா அலை உச்சத்தில் இருந்த காலகட்டம் . தானும் அதுபோல படம் பண்ணவேண்டும் . நாயகன் நாயகி இல்லாமல் வெறும் கதை தான் ஹீரோ . கதை அப்படியே பயண நேரத்தில் உருவானது . மகத்தான சங்கீக வித்வான் . இசை தான் அவருக்கு ஊன் உறக்கம் உயிர் எல்லாம் .அதைத்தாண்டி வேறு எதுவும் அவருக்கு தெரியாது. அப்படிப்பட்டவர் இசை சாதகம் செய்யும் ஆற்றங்கரையில் ஒரு தாசிகுலத்தைச் சேர்ந்த ஒரு பெண்னை சந்திக்கிறார். அவர் இசையில் உருகிபோகிறாள். அவருக்கு இசை போல் அவளுக்கு நடனம். இந்த இருவருக்கும் இடையில் இசை தான் உறவு. குரு சிஷ்ய மனோபவம். இந்த இருவருடைய உன்னதமான உறவும் பிரிவும் பின் காலத்தல் இருவரும் ஒரு தருணத்தில் மரணத்தில் ஒருசேர முத்தமிடுவதும் கதை. காரில் வந்த தயாரிப்பாளரிடம் கதையைச் சொல்லி இந்தக் கதையில் நட்சத்திரங்களே இல்லை எல்லாம் புதுமுகம் தான் என சொல்ல அப்போதைக்கு அருமை அருமை ஆரம்பிக்கலாம் என்றவர் பிற்பாடு படப்பிடிப்பு துவங்கும் வேலையில் தெலுங்கு சினிமாவுக்கு இந்த கதையெல்லாம் ஒத்துவருமா பெரிய ஸ்டாரை பிடியுங்கள் . வித்வான் பாத்திரத்துக்கு சிவாஜி அல்லது என் டி ராமாராவ் அல்லது நாகேஸ்வர்ராவை போடுங்கள் என சொல்ல விஸ்வநாத்துக்கு தலை சுற்றியது. சிவாஜியின் தேதியை வாங்குவதில் சிரமம் எனவே தன் நண்பர் ஏடித. நாகேஸ்வராரவிடம் இதற்கு புதுமுகம் தான் சரியாக இருக்கும் அப்படி எடுக்ககத்தான் ஆசைப்பட்டேன் என புலமப உடனே கவலையை விடுங்கள் நானே இப் படத்தை தயாரிக்கிறேன் உங்கள் விருப்பப்படி நடிகர்களை தேர்வு செய்யுங்கள் .இந்த கதை உலகில் எந்த மொழியில் வந்தாலும் வெற்றி பெறும் என ஊக்கமூட்டி அவரே இந்த படத்தை தயாரிக்க முன் வந்தார். விஸ்வ்நாத் ஆசைப்ப்ட்டபடியே நடிகர்களை தேர்வு செய்யத்துவங்கினார். அதன்படி தேசிய நாடகப்பள்ளி யில் பயிற்சியும் அனுபவமும் பெற்ற சோமையாஜுலுவை வித்வான் பாத்திரத்துக்கு கண்டுபிடித்தார். யோசித்துப்பாருங்கள் தெலுங்கு சினிமாவே என்.டி ராமாராவை தேவுடா என கிருஷ்ணா அவதாரமாகவும் நடிகர் கிருஷ்னாவை துப்பாக்கி குதிரை சகிதம் கவ்பாய் வீரனாகவும் ரசித்த காலத்தில் 45 வயது புதுமுகத்தை நாயகனாக் ஒப்பந்தம் செய்வதற்கு பின்னால் எப்படிப்பட்ட துணிச்சல் இருந்திருக்க வேண்டும் இப்படி முதன்மை பாத்திரம் மட்டும் அல்லாமல் இதர பாத்திரங்களும் புதுமுகமாக ஒப்பந்தம் செய்தார்.. ஏதோ ஒரு திருமணத்தில் வரவேற்பில் தனக்கு பன்னீர் தெளித்த பெண்ணின் கண்கள் அழகாக இருக்க அப்போதைக்கு மனதில் ஸ்கேன் செய்துகொண்ட அந்த முகம் ஞாபகத்துக்கு வர அந்தபெண்ணுக்கு நாயகியாக் நடிக்கும் யோகம் கதவை தட்டியது. அவர்தான் பிற்பாடு சங்கராபரணம் ராஜலட்சுமி எனும் புகழ்பெற்ற நடிகையானார் ராஜலட்சுமிக்கு அப்போதே வயது முப்பதுக்கு மேல் இருக்கும். கர்நாடக இசைக்கு முக்கியத்துவம் கொடுக்கும் படம் என்பதால் கே.வி,மகாதேவனை இசையமப்பாளராக ஒப்பந்தம் செய்தார் . அது போல இம்முறை டெக்னிலாகாவும் த்ரமாக அமையவேண்டும் என முடிவுசெய்த்வர் சென்னை வந்தார் .ஒளிப்பதிவாள்ராக அன்று ஒருபெயர் தென்னிந்திய திரை உலகமே உச்சரித்துக்கொண்டிருந்த்து . அந்தப் பெயர் பாலு மகேந்திரா.. கதையைக் கேட்டதும் பாலுமகேந்திரா ஒப்புக்கொண்டார் . கலைக்கு தோட்டாதரணி. அவரும் நாயகன் மூலம் பிற்பாடு புகழ் உச்சிக்கு போனார். 1980 ல் சங்க்ராபர்ணம் வெளியாகி வரலாறு படைத்த்து ..எந்த டப்பிங்கும் செய்யாமல் நேரடி தெலுங்கில் தமிழ் நாட்டிலும் கேரளாவிலும் வெளியாகி 25 வார்ங்கள் ஓடி வரலற்று சாதனை படைத்தது . மட்டும்லாலம்ல் கே.வி. மகாதேவனின் இசையில் தெலுங்கு பாடல்களாகவே , தமிழ் நாட்டின் பட்டிதொட்டீ எங்கும் ஒலித்தது . கோவில் காதுகுத்து கலயான்ம எங்கு பார்த்தாலும் அன்று தமிழ் நாட்டில் சங்கராபரணம் தான் . மொழியே தெரியாமல் மக்கள் அந்த பாடல்களை கொண்டாடினார். இன்றுவரை தமிழ் நாடு மற்றும் கேரளாவில் ,தெலுங்கு நேரடிபடம் செய்த சாத்னையை வேறு எந்த படமும் செய்யவில்லை. அதனைத்தொடர்ந்து தெலுங்கில் கமல் நடிக்க அதே உன்னதமான கலைக்கும் கலைஞனுக்கும் பெருமை சேர்க்கும் விதமாக கதை அமைத்து சாகரசங்கமம் உருவாக்கினார் . இது 1983 ல் தெலுங்கு மற்றும் தமிழல் சலங்கை ஒலி என்ற பெயரிலும் வெளியானது . இதுவும் அவருக்கு பெரும் புகழை ஈட்டித் தந்த்து. சங்கராபரணத்தில் இருந்த பண்டிதத்தன்மை குறைந்து கொஞ்சம் நவீனமாக நுட்ப்மான காதல் கதையாக் செதுகியிருந்தார். ப்ளாஷ் பேக் உத்தியுடன் இணை வெட்டு பாணியில் அவர் உருவாக்கிய திரைக்கதை இன்றும் இந்திய சினிமாவின் அற்புதமான் திரைக்கதைகளுள் ஒன்றாக இன்றும் வியக்கப்படுகிறது. சிறந்த பாத்திரப் படைப்பு ,சிறந்த காட்சி அமைப்பு சிறந்த நடிப்பு சிறந்த இயக்கம் என பல விதங்களில் இந்தத் திரைப்படம் இன்றும் வணிக சினிமாவில் உயர்ந்து நிற்கிறது. குறிப்பாக கமல் இதுவரை நடித்த சிறந்த ஐந்து படங்களில் ஒன்றாக பேசப்படும் அளவுக்கு அவரது நடிப்பில் உச்சம் தொட்ட படம். நடனத்தை உயிராகவும் கலையாகவும் நேசிக்கும் கலைஞன் பாலு. அதனால் அவனால் கலையை மதிக்க தெரியாத சினிமாவில் கூட பணி செய்ய முடியவில்லை . இந்த உலகில் ஒருநாள் இந்த நடனக்கலையில் புகழ்பெறுவேன் என கனவு காண்கிறான். ஆனால் எதார்த்த வாழ்வில் சமையல் காரியான தாய்க்கு உதவியாக அவள் பணி செய்யும் திருமண நிகழ்ச்சிகளுக்கு சென்று வருகிறான் . திருமணம் ஆகி மூன்றே நாளில் ரத்துஆகிப்போன கவலை மறக்க புகைப்படக்கலையை பொழுதுபோக்காக கொள்கிறாள் மாதவி. ஒருநாள் வெளியூருக்கு வந்த இடத்தில் புகைப்படம் எடுக்க கோவிலுக்கு போகும் போது அங்கு தரமற்ற காமிராவால் கத்துக்குட்டி போட்டோகிராபர் மூலம் புகைப்படம் எடுக்க பாலு (கமல்) கஷ்டப்படுவதை பார்க்கிறாள் . அவனுக்கு நடனத்தின் மீது ஆர்வம் என தெரிய வந்து மறைந்திருந்து அவன் விரும்பும் வகையில் புகைப்படம் எடுக்கிறாள் .இருவரும் ப்பிரிண்ட் போட ஸ்டூடியிவுக்கு ஒரேசமயத்தில் வர அங்கு மாதவி தான் விரும்பிய கோணத்தில் தன்னை அருமையாக புகைப் படங்கள் எடுத்திருப்ப்தை பாலு கண்டு வியக்கிறான். பாலுவின் அம்மா சமையல் வேலை செய்ய வந்த திரும்ண நிகழ்வில் மேடையில் நடக்கும் நடன் நிகழ்ச்சிக்கு அதே இசையில் சமையல் கூடத்தில் பாலு தன் தாய்க்கு நடனம் ஆடிக் கான்பிக்கிறான். அங்கு வரும் மாதவிக்கு அப்போதுதான் அவனுடைய முழுத்திறமையும் தெரிய வருகிறது.. அவள் பணி செய்யும் ஆங்கில வார் ஏட்டில் அவன் புகைப்பட்த்துடன் அவனைப்பற்றிய கட்டுரை எழுதி அவனை உலகமறியச்செய்கிறாள் தொடர்ந்து இருவரும் சந்திக்க ஒருநாள் அவனிடம் அவள் டெல்லியில் நடக்கும் இந்திய அளவிளான் நடன நிகழ்ச்சிக்கு போக விருப்பமா என கேட்கிறாள் . அதற்கு அவன் எனக்கு ஆசைதான் ஆனால் அதற்கு அழைப்பிதழ் கிடைப்பது சிரமம். அப்படியே கிடைத்தாலும் போய் வர பணம வேண்டுமே எனகீறான் பணம் நான் தருகிறேன் என என மாதவி சொல்ல சரி அழைப்பிதழ் வேண்டுமே என கேட்க அவளோ அதுவும் கொண்டு வந்திருகிறேன் போய்வாருங்கள் எனச் சொல்ல் ஆச்சர்யத்துடன் அவன் அந்த அழைப்பிதழை வாங்கி ப்பார்க்கும் போது அதில் பிரபல நடன மேதைகள் புகைப்ப்டம் இருப்பதைக் கண்டு வியப்பவன் அதன் ஒரு பக்கத்தில் தன் பெயரும் புகைப்படமும் நிகழ்ச்சியின் அங்கமாக இடம் பெற்றிருப்பதைக்க்ண்டு சொல்ல வொண்ணா உணர்ச்சி அவன் மனதில் அலையால் எழுகிறது சட்டென என்ன செயவதென தெரியாமல் அவள் கைவிரகல்களைப்பற்ரி அழுகிறான் திறமைமிக்க கலைஞன் எதிர்பார்க்கும் அங்கீகாரத்தை ஒரு பெண் எந்த பலனும் எதிர்பாராமல் அவள் நல்ல மனம் ஒரு குடை பொல வந்து அவன் கனவை நனவாக்குவது அவன் பட்ட காயஙக்ளுகெல்லாம மழைத்துளி போல ஆறுதல் சொல்வது . அவன் வாழ்வின் மிகச்சிறந்த தருணம். அப்படிப்பட்ட உயர்ந்த உள்ளம் கொண்ட மாதவிக்கு முன்பே திருமணம் ஆகி முற்று பெறாத கோலமாக பாதியில் இருக்கும் போதுதான் அவள் இதை செய்துள்ளால் என பார்வையாளன் அறிய வரும் பொது அவள் இதயத்தின் ஆழம் இன்னும் கூடிவிடுகிறது உண்மையில் அவள் அவனுக்கு செய்வது எல்லாம் சிறு சிறு காரியங்கள் தான். ஆனால் அதை வெளிப்படுத்தும் விதம் அந்தக் காட்சியை இயக்குனர் செதுக்கி நமக்கு காட்சிபடுத்தும் சூழல் மாதவியாக் நடித்திருக்கும் ஜெயப்பிரதாவின் பாத்திரபடைப்பு அவரது சொல்லமுடியாத கதை கொண்ட கருவிழிகள் .. பொட்டு புடவை அனைத்தும் சேர்ந்து அந்த மாதவி பாத்திரத்துக்கு பெரும் காவியத் தன்மையை உருவாக்கி அழியா சித்திரமாக நம் மனதில் பதியவைத்து விடுகின்றன. துவக்க காட்சியில் பத்ரிக்கையாளர் கமல் தவறான விமரசனத்தை எழுதிவிட்ட்தாக பத்ரிக்கை அலுவலகத்தில் எஸ் பி ஷைலஜா புகார் செய்ய வரும்போது டேப் ரெக்கார்டரில் பஞ்ச பூதங்களும் என பாடலைப் போட்டு பரதம் கதக் குச்சுப்புடி,, கதக்களி என தனித்தனியே ஆடிக்காண்பிக்கும் காட்சி , ஜெயப்ரதா கமலை மறைந்திருந்து புகைப்ப்டம் எடுத்து காண்பிக்கும் காட்சி இறுதியில் தகிட ததுமி பாடலுக்கு கிணற்று சுவற்றில் மழையில் ஆடும் காட்சி என பல காட்சிகளில் உன்னத காட்சி அனுபவத்தை உருவாக்கிய இயக்குனர் கே. விஸ்வநாத். ஒரு காட்சியில் ஜெய்பிரதாவிடம் கமல் காத்லைச்சொல்ல வரும் போது வாசலில் இருக்கும் பூந்தொட்டியில் ஒரு ரோஜாச் செடி அவனைத் தடுத்து போகாதே என இழுக்கும் . கமலுக்கு அப்போது உள்ளே போனபின் அடுத்து நடக்கவிருக்கும் அதிர்ச்சி சம்பவம் தெரியாது . இது விஸ்வநாத்தின் நுணுக்க பாணி கதை விவரிப்புக்கு ஒரு பருக்கை . காதலின் ஆழத்தை உறவுகளின் உன்னத தருணங்களை கலை மற்றும் கலைஞனின் அபிலாஷைகளை இந்திய சினிமாவில் சலங்கை ஒலி போல நுட்பமாக விவரித்தபடம் வேறு இல்லை. உண்மையில் இப்போதும் ஒவ்வொருமுறை இப்பட்த்தை திரும்பப் பார்க்க கிடைக்கும் தருணங்களில் அட இந்த படம் தமிழில் நேரடி படமாக இருக்க்க் கூடாதா என தனிப்ப்ட்ட முறையில் பொறாமைப்படவைக்கும் படம் இப் படத்தின் மிகப்பெரிய வெற்றிக்கு இளையராஜாவின் இசையில் உருவான அனைத்து பாடலகளும் இன்னொரு காரணம் தொடர்ந்து அவர் 1985ல் எடுத்த சுவாதி முத்யம் கமல் ராதிகா நடிக்க தமிழ்ல் சிப்பிக்குள் முத்து என வெளியானது . இதுவும் பல் நுணுக்க உணர்வுகளின் சங்கம்ம் .இதுவும் இளையராகாவின் ஆகச்சிறந்த பங்களிப்பால் மிகப்பெரிய வெற்றியை கே. விஸ்வநாத் அவர்களுக்கு பெற்றுத்தந்தபடம் . மேற் சொன்ன இந்த மூன்று படங்களுக்கும் ஒரு ஒற்றுமை மூன்றுமே பெண் சார்ந்த பிரச்னைகளை சமூக நோக்கில் பேசியவை . சமூகத்தால் ஒடுகப்பட்ட தாசி குலத்துப்பெண், மணமான பெண்னின் காதல், விதவைத்திருமணம் என பல பெண்ணியம் சார்ந்த கருத்துக்களை உள்ளடக்கியது கேவிஸ்பநாத் கடைசிப்படமான 2010 ல் வெளியான சுப்ரபாதம் வரை கிட்ட்த்ட்ட 56 படங்களை இயக்கி வந்துள்ளார். இந்திய அரசாங்கத்தின் உயர்ந்த விருதுகளான தாதாசாகிப் பால்கே ,பதமஸ்ரீ மற்றும் தன் திரைக்க்லைப்பயணத்தில் பத்துக்கும் மேற்ப்ட்ட தேசிய விருதுகளை வெவ்வேறு பிரிவுகளில் தன் படங்களுக்காக பெற்றவர் என்பதும் குறிப்பிடத்தக்கது தொடர்ந்து பல தமிழ் மற்றும் தெலுங்கு படங்களில் நடிகராகவும் பரிணமித்து வந்திருக்கிறார் . அவரது மேற்கண்ட சாதனைகளை பேசாமல் அவர் இறந்த போது அவரை வெறும் நடிகராக மட்டுமே அந்த ஊடகம் அறிவித்த்து நம் காலத்தின்மிகப்பெரிய அவலம் நன்றி: தீராநதி குமுதம் .

அஞ்சலி : ஆயிரம் படம் கண்ட ஆரூர்தாஸ்

புகழ் மண்ணில் புதைந்தது ஆரூர் தந்த மூன்றாவது முத்து -அஜயன் பாலா , #ajayanbala@gmail.com

கண்களைக்காட்டிலும் காதுக்கு முக்கியத்துவம் கொடுத்து வளர்ந்த உலகின் ஒரே சமூகம் தமிழ் சமூகம் தான் இல்லாவிட்டால் தமிழகத்தில் மூலை முடுக்குகளில் கல்யாணம் காது குத்து என எந்த விழா நடந்தாலும் ஒரு படத்தின் வசனத்தை ஊருக்கே அலறவிட்டு திரும்ப திரும்ப கேட்டு மகிழ்ந்திருப்பார்களா . நம் மக்கள் ? இத்தனைக்கும் பராசக்தி போல அடுக்கு மொழியோ திருவிளையாடல் போல பக்தி பரவச ஊற்றோ இல்லாத வெறும் ஒருசராசரி சமூகதிரைப்படம் தான் விதி. ஆனாலும் தமிழ் மக்கள் இந்த படத்தின் வசனத்துக்கு கொடுத்த மதிப்பும் மரியாதையும் தமிழ் பண்பாட்டின் ஆய்வுக்கு உட்படுத்தவேண்டிய முக்கிய அம்சம் . அப்படிப்பட்ட புகழ்வாய்ந்த உரையாடல் எழுதிய திரைப்பட வசன எழுத்தாளர் ஆரூர்தாஸ் நேற்று மாலை 6 மணிக்கு தன் 91 வயதில் தன் வாழ்வை பூரணமாக நிறைவு செய்துகொண்டார்.. இறக்கும்போது எந்த நோய் நொடிகள் எதுவும் இல்லை . ஒரு வருடத்துக்கு முன் மனைவி இறந்த துக்கம் மட்டுமே அவரை நிம்மதி இல்லாமல் செய்துவிட்டது. அதுவரை சுறுசுறுப்பாக இயங்கி வந்த அவர் தன் மனைவி இறப்புக்குப் பின் மன அழுத்தம் மிகுந்து அனைவரிடமும் பேசுவதை நிறுத்திக் கொண்டார். பேபி என அவர் அன்பாய் அழைக்கும் அவர் மனைவி எப்போதும் அமரும் அந்த நாற்காலியில் யாரையும் பயன்படுத்த அனுமதிக்காமல் அந்த வெற்று நார்காலியை பார்த்தபடியே இடைப்பட்ட நாட்களை கழித்து வந்தவர் நேற்று மாலை 6மணிக்கு முழுவதுமாய் மூச்சை நிறுத்திக்கொண்டார் . ஆரூர் தாஸின் பெருமையை ஒரு புரிதலுக்காக விதி படத்திலிருந்து துவங்கினாலும் அவரது இதர சாதனைகளின் உச்சங்கள் அளப்பரியது. அதில் ஒன்று . ஆயிரம் படங்களுக்கு எழுத்துப் பணி புரிந்தவர் என்பது முக்கியமானது. தமிழ் சினிமாவில் இனி வேறு எவரும் கற்பனைகூட செய்து பார்க்க முடியாத சாதனை. இது. போட்டியும் சூழ்ச்சியும் பொறாமையும் மிகுந்த திரைப்பட உலகில் இன்று ஒரு எழுத்தாளனுக்கு ஒரு படம் எழுதி முடித்து வெளிவந்து டைட்டிலில் பேர் வாங்குவதற்குள்ளாகவே மூச்சு முட்டி நாக்கு தள்ளி விடும் சூழலில் ஆயிரம் படங்கள் வசனம் என்பது அத்தனை எளிதாக கடந்து போகும் விடயமல்ல . கடந்த பத்து பதினைந்து வருடங்களாக திரை எழுத்தாளனாக என்னால் ஒரு பத்து பதினைந்து படங்களில் பணியாற்ற முடிந்தது என்றால் அதற்கு ஆரூர்தாஸ் மட்டுமே காரணம் . ஒவ்வொரு படத்திலும் உச்ச கட்ட பிரச்சனைகள் தலையெடுத்து இனி சினிமாவில் எழுத்துத் துறையே வேண்டாம் என நான் முடிவெடுக்கும் சமயங்களில் எல்லாம் ஆரூர்தாஸ் அவர்களை எண்ணிப் பார்ப்பேன். மறுநாள் நான் மீண்டும் உற்சாகமாக என் பயணத்தை துவங்க அவர் ஆயிரம் படங்களுக்கு பட்ட அவஸ்தையும் அவமானங்களையும் எண்ணிப்பார்க்கும் அந்த ஒரு கணம் போதும் ஆயிரம் வாட்ஸ் உற்சாகம் என் தோளைப் பற்றிக்கொண்டு மீண்டும் அடுத்த ப்டத்துக்கான எழுத்துப் பணி நோக்கி உந்தித்தள்ளும். ஒருங்கிணைந்த தஞ்சை மாவட்டம் நாகப்பட்டினத்தில் 1931ம் ஆண்டு சந்தியாகு நாடார் ஆரோக்கிய மேரிக்கு மகனாகப் பிறந்தவர் பிற்பாடு ஆரூர்தாஸ் என அழைக்கப்பட்ட ஜேசுதாஸ் . தஞ்சை திருவாரூரில் பள்ளி படிப்பு படிக்கும் போது கலைஞர் கருணாநிதியின் நாடகங்களால் ஈர்க்கப்பட்டு சிறுவயதிலேயே நாடகம் எழுதி அதை தானே மேடையேற்றம் செய்த தாஸ் தன் நாடகத்துக்கு தனே சுவர்களில் விளம்பரம் எழுதும் வேலையை செய்யும் அளவுக்கு கலையின் பால் ஆர்வம் மிகுந்து காணப்பட்டார் . தஞ்சை பல்கலை கழகத்தில் தமிழ் இலக்கியத்தில் ஆய்வு பட்டம் படித்தவர் என்பது யாரும் அறியாத செய்தி. பிற்பாடு திருவாரூருக்கு வந்த கவிஞர் சுரதாவின் அறிமுகம் சினிமாவுக்கு அவரை வர தூண்டியது . சென்னைக்கு வந்து தஞ்சை இராமையா தாஸ் அவர்களிடம் வசன உதவியாளராக பணிபுரியும் வாய்ப்புகிட்ட அவர்தான் ஜேசுதாஸ் என்ற பெயரை ஆரூர்தாஸ் என மாற்றி அருளினார் . தேவர் பிலிம்ஸ் எடுத்த வாழவைத்த தெய்வம் மூலம் வசனகர்த்தவாக அறிமுகம் ஆகிய ஆரூர்தாஸ்க்கு சாவித்திரியின் அறிமுகம் தன் பிற்பாடு அவருக்கு பெரும்புகழ்தேடித்தந்த பாசமலர் படத்துக்கு வசனகர்த்தாவாக 1961ல் வாய்ப்பு வாங்கிக்கொடுத்தது. . அதன் பிறகு அவர் வாழ்க்கையில் உயரப்பறந்த கொடி கடைசியாக அவர் பணிபுரிந்த நடிகர் வடிவேலுவின் தெனாலிராமன் வரை இறங்கவே இல்லை நேரடிப்படங்கள் காலத்தில் மட்டுமல்லாமல் மற்ற மொழிபடங்கள் பெருகத்துவங்கிய போது வைஜயந்தி ஐ பி எஸ் .. பூ ஒன்று புயலானது என படையெடுத்த போது அதன் பிரமாண்ட வெற்றிகளுக்கும் இவரது வசனம் பெரும் தீயை பற்றவைத்தது. . ஒரு திரை எழுத்தாளன் ஆயுசு பத்து வருடங்கள் , அதன்பிறகு அடுத்த தலைமுறை அந்த இடத்தை ஆக்கிரமிக்கும் ஆனால் தன் அறுபதுகளின் காலம் முடிந்து பின் எண்பதுகளிலும் விதி மூலம் விஸ்வரூபம் பெற்று தொடர்ந்து அவர் பணியாற்றியது தான் அவரது ஆயிரம் படங்கள் பட்டியல் உயர காரணமாக அமைந்தது மற்ற கலைஞர்களை விடவும் எழுத்துத் துறையில் இருப்பவர்கள் அதிக சுய கவுரவமும் உணர்ச்சிக் கொந்தளிப்புடனும் இருப்பவர்கள் . எது அவர்கள் படைப்புக்கு மூலதனமோ அதுவே இத்துறையில் பிரச்சனையுமாகும் . அப்படிப்பட்ட சூழலில் எளிதில் உணர்ச்சி வசப்படும் ஆரூர்தாஸ் அவர்கள் இப்படி ஆயிரம் படங்களில் பணிபுரிந்த சாதனை என்னை பொறுத்த வரை எம் ஜி ஆர் சிவாஜியின் சாதனைகளுக்கு நிகரானது. இப்படி இந்த இரு துருவங்களும் புகழ் உச்சியில் கொடிகட்டிப் பறந்த அந்த அறுபதுகளில் மொத்த திரை உலகமும் எம் ஜி ஆர் சிவாஜி என இரண்டு குழுவாக பிரிந்து கிடந்தது. ஒருவருடைய குழுவை சேர்ந்தவர் இன்னொரு குழுவுக்குப் போய்விட்டால் துரோக பட்டம் விழுந்து விடும் . இதற்கு பயந்துகொண்டு நடிகர் நடிகைகள் தவிர தொழில் நுட்பகலைஞர்கள் எவருமே அணி மாறாமல் விசுவாசியாய் இருந்தார்கள் அப்படிப்பட்ட போட்டிநிறைந்த காலத்தில் இருவராலும் தவிர்க்க முடியாத எழுத்தாளராக வலம் வந்து இருவருக்கும் தொடர் வெற்றிகள் பெற்றுதந்தது அவருடைய இன்னொரு சாதனை. சிவாஜியின் பாசமலர் படித்தால் மட்டும் போதுமா பார் மகளே பார் தெய்வ மகன் என தொடர்ந்து 28 படங்களுக்கும் எம் ஜி ஆரின் தாய் சொல்லைத் தட்டாதே , தாயைக் காத்த தனயன் வேட்டைக்காரன், பரிசு ,பறக்கும் பாவை ,அன்பே வா என 24 படங்களுக்கும் என இருவருக்கும் வசனம் எழுதியவர். இதில் அவரவர் படங்களுக்கேற்ப எழுதுவதும் தனிக்க்லை எம் ஜி ஆர் படங்களுக்கு நாயக பாத்திர வடிவமைப்பும் அவருகேற்ற காட்சி அமைப்பும் அதில் எளிமையும் சுவாரசியமும் முக்கியம் . மற்றபடி வசனம் புரியும்படி இருந்தல் போதும் இறுதியில் நல்லவன் வாழ்வான் கெட்டவன் சாவான் என்ற நீதி பின்பற்றப்படவேண்டும் ஆனால் சிவாஜிக்கு எழுதுவது சவால் நிறைந்தது .அதில் நாயகனை விடவும் கதையும் காட்சியமைப்பும் அழுத்தமாக இருக்க வேண்டும் சிவாஜிக்கு மட்டுமல்லாமல் உடன் நடிக்கும் பாத்திரத்துக்கும் தேவைப்படும் இடங்களில் வசனம் பிரமாதமாக் அமையவேண்டும் . வசனம் நன்றாக இருந்தால்தான் நடிப்பும் சிறப்பாக அமையும். வசனம் சரியாக அமையாவிட்டால் வெறும் நடிப்பை வைத்துக்கொண்டு சமாளிக்க முடியாது. அதனால் ஆரூர்தாஸ் அவர்களுக்கு எம் ஜி ஆரைவிடவும் சிவாஜிக்கு எழுதுவதில்தான் கூடுதல் விருப்பம் .காரணம் அதில் தான் அவரது முழுத்திறமையும் காண்பிக்க முடியும். அவரது படங்களின் வசன திறமைக்கு எடுத்துக்கட்டாக பலரும் பாசமலர் படத்தில் சிவாஜி ஜெமினி பேசும் வசனங்களை உதாரணமாகச் சொல்வார்கள் .ஆனால் எனக்கு அவர் படங்களில் தெய்வ மகன் படத்தில் அப்பா சிவாஜியோடு முகம் கருகிய மகன் சிவாஜி பேசும் காட்சி மிகவும் பிடிக்கும் அந்த காட்சியின் ஒட்டுமொத்த வசனமும் சிறப்பு என்றாலும் ஒருகட்டத்தில் மகன் அப்பாவை பார்த்து - நான் பொறந்தப்ப் நீங்க பணக்காராரா தான இருந்தீங்க - ஆமாம் - அப்ப நான் விகாரமா பொறந்தேங்கிற ஒரே காரணத்துக்காகத்தானே என்னை வேண்டாத பொருளை குப்பைத்தொட்டியில வீசி எறியிற மாதிரி என்னை எறிஞ்சிட்டீங்களா .. நீங்க பொறந்தபோ உங்க அப்பா இதே மாதிரிதான் செய்ஞ்சாரா - எது - இல்லை நீங்களும் என்னை மாதிரிதான இருக்கீங்க அதனால் உங்கப்பா உங்களை வேணாம்னு சொல்லிட்டாரான்னு கேட்டேன் இல்லை ஏன் அவர் அழகா இருப்பார் இந்த வேத்னையை புரிஞ்சுக்க முடியாதவர் இல்லை உங்கப்பா ஏழை அதனாலதான் அவருக்கு இருதயம் பாசம் இரக்கம் எல்லாமே இருந்தது ஆனா எங்கப்பா பணக்காரன் அவர்கிட்ட இரும்புப் பெட்டி மட்டும்தான் இருந்தது . இப்படி வசனத்தில் உணர்ச்சிகளைத்தாண்டி உள்ளூணர்வை தோண்டி எடுக்கும் வசனங்கள் படம் முழுக்க விரவிக்கிடக்கும் இப்படி போட்டி நடிகர்களுக்கு ஒரே சமயத்தில் எழுதியது மட்டுமல்லாமல் போட்டி தயாரிப்பு கம்பெனிகளுக்கும் தொடர்ந்து வசன எழுத்தாளராக பணி புரிந்தது அவருடைய இன்னொரு சாதனை. தேவர் பிலிஸ் கம்பெனியில் அவர் பயணத்தை துவக்கினாலும் தொடர்ந்து அவர் ஏவி எம் வாஹினி போன்ற நிறுவங்களுக்கும் அதே சமயத்தில் எழுதிவந்தார் இப்படி ஒரே சமயத்தில் அவர் எப்படி இத்தனை படங்களுக்கு பணிபுரிந்தார் இத்தனை தயாரிப்பாளர்களை இத்தனை இயக்குனர்களை இத்தனை நடிகர்களை எப்படி அவர் திருப்திபடுத்தியிருப்பார் என்பதை யோசித்துப்பார்க்கும் போது அது உண்மையில் சர்கஸ்களில் பார்விளையாடுவதைக்காட்டிலும் சாகசம் நிறைந்த காரியம் . எப்போதும் கற்பனையிலும் உணர்ச்சியிலும் மிதக்கும் ஒரு படைப்பாளன் எப்படி ஆளுமை பணிகளிலும் கொடிகட்டிப்பரந்தார் என்பது மேலான்மை ஆய்வு பட்டப்படிப்புக்கே தகுதியான ஒரு வாழ்க்கைப்பாடம். இவை அனைத்தையும் மீறி இதை படங்களுக்கு உழைக்க அவரிடம் இருந்த ஆற்றலும் கற்பனையும் உடல் பரமாரிப்பும் ஒழுக்க பண்பும் இன்னொரு ஆச்சரியம்

இப்படி புகழ் வாய்ந்த எழுத்துலக சாதனையாளர்கள் ஆரூர்தாஸின் மரணத்துக்கு பெருமை கூட்டும் வகையில் பல பரிசுகள் அவருக்கு கிட்டிருந்ததல்லாம் ஆறுமாதங்களுக்குமுன் தமிழக அரசு சார்பாக கலைஞர் பிறந்தநாளான ஜூன் 3ம் தேதி கலைத்துறை வித்தகர் விருதை அறிவித்து அதோடு நில்லாமல் முதல்வர் மு.க.ஸ்டாலின் நேரிடையாக அவர் வீட்டுக்கே சென்று படுக்கையில் இருந்த அவருக்கு தன் கைகளால் வழங்கியது ஒரு சிறந்த எழுத்தாளனுக்கு அரசாங்கம் செய்த தகுதியான கவுரவம். ஆனால் அதேசமயம் சிறு நடிகரின் வைபவத்துக்கு திரண்டு வந்து வாழ்த்தும் இந்த திரையுலகம் இந்த மிகபெரிய சாதனையாளரின் இறப்பை புறக்கணித்தது பெரும் வருத்ததுக்குரியது. இறப்பு வீட்டுக்கு சிவக்குமார் வைரமுத்து பாக்யராஜ் தவிர சமகால நட்சத்திரங்கள் ஒருவரும் கண்டுகொள்ளாமல் புறக்கணித்திருப்பது வேதனைக்கும் வருத்தத்திற்குரிய விடயம் . நன்றி: அருஞ்சொல் வலைத்தளம் இதழ்

கும்லானி மலியம் - சிறுகதை ````````````````````````````````````````````````அஜயன்பாலா

கும்லானி மலியம் இருக்கா ..? அவன் கேட்டதும் சிப்பந்தி ஒரு நிமிடம் துணுக்குற்றார் போல அவனையே பார்த்தார் - என்ன கேட்டீங்க ? - கும்லானி மலியம் ..! - அப்படீன்னா …? - என்னது கும்லானி மலியம்னா தெரியாதா ? அந்த சிங்கிதா உணவு விடுதி நகரின் பணக்காரர்கள் குடும்ப மற்றும் தொழில் சார்ந்த நண்பர்களை சந்திக்க தேர்ந்தெடுக்கும் பாரம்பர்ய விடுதியானதால் அனைவரும் தத்தமது இணையர்களுடன் சன்னமாக பேசிக்கொண்டே உணவு அருந்துவதில் கவனமாக இருந்தனர். ஸ்பூன்கள் முட்கரண்டிகள் தட்டில் உரசும் சத்தம் அவர்கள் பேச்சைவிடவும் கூடுதல் சத்தமாக இருந்தது. ஐ வில் ஃபாலோ யூ ரிக்கி நெல்சனின் ஜாஸ் இசை ஸ்பீக்கரில் அந்த காலை நேரத்தை இன்னும் ரம்மியமாக்கிக் கொண்டிருந்தது . உடன் அப் பாடலின் லயத்துக்கு தகுந்தபடி ஒயிலாக உணவுத் தட்டுகளை சுமந்து வரும் சிப்பந்தி அந்த லயம் சிதறாமல் ஒரு மேசையின் மீது உணவுதட்டுக்களை எடுத்து மேசையை நிரவிக்கொண்டிருந்தார் இப்படியான சூழல் காரணமாகவோ என்னவோ அச்சமயம் யாரும் இவர்களது சம்பாஷணையை கவனிக்கவில்லை. சார் எனக்கு புரியவில்லை இன்னும் ஒருமுறை சொல்ல முடியுமா ? என சொல்லிக்கொண்டே காதை அவர் பக்கமாக் திருப்பியபடி அந்த சிப்பந்தி அவர் சொலவதைக் கேட்க வசதியாக தாயராக இன்னும் சற்று குனிய அந்த வாடிக்கையாளருக்கு சுருக்கென கோபம் என்ன சார் எத்தனை தடவை கேக்குறது .. கும்லானி மலியம் ஒருநிமிடம் அந்த சிப்பந்திக்கு எல்லாமே மறந்துவிட்டது . வாழ்நாளில் இதுவரை கேட்டிராத ஒரு உணவுப்பெயரை ஒருவன் தன்னிடம் ஆர்டர் சொல்லும் போது இப்படி விழிப்பது தங்களது விடுதிக்கு அவமனாத்தை உண்டுபண்ணுமோ என்ற அச்சமும் அவனுக்கு வந்து போனது…. பின் தன்னை கடந்து போகும் சக சிப்பந்தியை நிறுத்தி வாடிக்கையாளரை நோக்கி - இதோ இவர்கிட்ட சொல்லுங்க எனக் கேட்க திரும்பவும் அந்த வாடிக்கையாளர் கும்லானி மலியம் கிடைக்குமா ? இல்லையா லேட் ஆனாலும் பராவியில்லை .. பதிலுக்கு அவனும் ஒரு நிமிடம் யோசித்து இது என்ன வகை உணவு சார் .. நார்த்தா சவுத்தா சைனீஸா இத்தாலியா மெடிட்டேரிய்னா மெக்சிகனா? அதுவரை அமர்ந்திருந்த வாடிக்கையாளன் கோபத்துடன் எழுந்து நின்றான். இதை அந்த சிப்பந்திகள் இருவருமே எதிர்பார்க்கவில்லை . அட இப்ப என்ன சார் ஆச்சு அவர்களில் ஒருவன் அவர் கையை பிடித்து உட்காரும்படி அழுத்த அவன் உடனே அவன் கையை உதறிவிட்டு கோவத்துடன் கேஷியரை நோக்கித்திரும்பி . ஹலோ யாரு மேனேஜர் .. அந்த சூழலில் இப்படி சட்டென கோவப்படுவது கொஞ்சம் மிகை தான் . ஆனால் அவன் திட்டமிட்டே செய்வது போல உடலை விறைப்பாக வைத்துக்கொண்டு கலசராயின் இருபககெட்டிலும் கையை மறைத்துக்கொண்டு கோவத்துடன் விடுதி முழுக்க திரும்பிப்பார்த்தான் அனைவரது பார்வைகளும் அவனிடம் திரும்பி நிலைகுத்தின. . மேனேஜர் போல டை அணிந்த ஒருவர் அவனை நோக்கி ஓடி வந்தார். நாந்தான் சார் .. சார் என்ன வேணும் எதுக்கு இப்ப சத்தம் ? கும்லானி மலியம் கிடைக்குமா கிடைக்காதா என அவன் அனைவரும் கேட்கும்படி உரக்கக்கேட்டான் அவர் கிடைக்குங்க நான் ரெடி பண்றேன் எதுக்கு இப்ப கத்தறீங்க எல்லாரும் பாக்கறாங்க .. மொதல்ல உட்காருங்க என அருகே வந்து கொஞ்சம் கனிவும் கோபமும் கண்டிப்புமான குரலில் உட்கார வைக்க முயன்றான் . அவன் ஒரு வழியாக சமாதானமடைந்தவனாக மீண்டும் உட்கார்ந்த்ததும் மேனேஜராக சொல்லிக்கொண்ட நபர் சட்டென திரும்பி அது வரை அங்கு நின்ற இரு சிப்பந்திகளிடமும் கோபமாக முறைத்து பின் காதில் அவரகளிடம் ஏதொ சொல்ல அவர்களும் சட்டென விறைப்பு தட்டி கண்னாடிக் கதவை தள்ளிக் கொண்டு உணவு தயாரிக்கும் பகுதிக்குள் வேகமாக விரைந்த்னர் .. இப்போது அனைவரும் மீண்டும் சகஜமாக தத்தமது மேசையில் கரண்டிகளின் சத்தங்களுடன் பேசக்கொண்டே சாப்பிடுவதை தொடர்ந்தாலும் அவர்கள் அனைவரது உதடுகளும் கும்லானி மலியம் என்ற பெயரை சந்தேகத்துடன் உச்சரிக்கத்துவங்கியது . ஒரு சிலரோ இதர சிப்பந்திளை அழைத்து தங்களுக்கும் அந்த உணவை ஆர்டர் செய்ய சிப்பந்திகள் அச்சமும் கலவரமுமக கிச்சனுக்குள் ஓடத்துவங்கினர் அந்த உணவு விடுதியின் தலைமை உணவு உற்பத்தியாளருக்கு இது பெரும் சவாலாக இருந்தது இது வரை முன்பின் கேட்டிராத ஒரு உணவு பணடத்துக்கு திடீரென கோரிக்கைகள் குவிய என்ன செய்வது எனத் தெரியாமல் தன் உதவியாளர்களுடன் தீவிரமாக ஆலோசனையில் இறங்கினார் இது ஒருபுறமிருக்க விடுதியில் பலரும் கூகுளில் கும்லானி மலியம் என தேடலைத் துவங்கினர் .. சிலர் மனைவியிடம் கேட்டு வாட்ஸப்பில் செய்தி அனுப்பினர். கும்லானி மலியம் ஆரடர் பண்ணியிருக்கேன் இப்பவே எச்சில் ஊறுகிறது என ஓட்டலில் அமர்ந்திருக்கும் புகைப்படத்துடன் செல்ஃபி எடுத்து முகநூலில் நிலைத்தகவல் போட கும்லானி மல்லியம் இணையத்தில் பலருக்கும் பரவத்துவங்கியது இப்படியாக ஒரு பத்து நிமிடத்தில் அந்த விடுதியில் துவங்கி பத்து நூறு ஆயிரம் என கிளை பிரிந்து அடுத்த ஐந்து நிமிடங்களில் ஐயாயிரம் பேருக்கு மேல் கும்லானி மலியம் பெயர் அலைவரிசை 5 உபயத்தில் துரிதமாய் பரவத்துவங்கியது . தகவல் சேர்ந்த பல வீடுகளில் சில வற்றின் சமயலறைகளில் கும்லானி மலியம் பரிசோதனை முயற்சிகள் நடக்கவும் துவங்கின அந்த உணவு விடுதியில் முதல் ஆளாக கும்லானி மலியம் கேட்ட அந்த வினொத வாடிக்கையாளன் ஏதோ போன் வந்தது என எழுந்து வெளியில் போனபோது மொத்த விடுதியும் அவனையே பார்க்கத்துவங்கியது . இரண்டு வராம் கழித்து யூடியுப்களில் கும்லானி மலியம் செய்வது குறித்த பல ரிசிப்பிக்கள் வரத்துவங்கின .நம்மூர் கொழுக்கட்டை சீனாவுக்கு போய் மோஸ் ஆனது போல நம் பழைய உணவு கல்கண்டு உப்புமா தான் வெளி நாட்டுக்கு போய் கும்லானி மலியம் ஆகிவிட்டதாக ஒருவர் காணொலி இட அதுவே அனைவராலும் ஏகோபித்த கும்லானி மலியாமக அங்கீகரிக்கபட்டது அனைவரும் கும்லானி மலியம் சபபிடுவதன் மூலம் வரவிருக்கும் புதிய நோயை விரட்டி அடிக்க முடியும் என நாட்டின் அதிபர் அவர்கள் தன் மாதந்திர வானொலி உரையில் குறிப்பிட்டு உடன் அதன் அங்க்கீகரிக்கப்ப்ட செய் வழி முறைமையையும் பொறுமையகா அனைவரும் .கேட்டு எழுதும்வகையில் நேரம் ஒதுக்கி விவரித்தார் ஒரு லிட்டர் பால்.. 500 கிராம் அவல் ,, கல்கண்டு 250 கிராம் என ஒவ்வொன்றையும் சொல்லும் போது நிதானமாக அதன் ஆங்கில பெயரையும் சொல்லி எழுதுவதற்கான் நேர இடைவெளிவிட்டு சொன்னதை பலரும் சிலாகித்தனர். மறுநாள் . பத்ரிக்கை செய்திகளும் அதிபரின் பெருந்தன்மை குறித்து எழுதின இரண்டு வருடம் கழித்து போர்ப்ஸ் இணைய இதழில் இந்தியாவில் கும்லானி மலியம் உணவு விடுதிகள் முன்னூறுக்குமேற்ப்ட்ட கிளைகளுடன் செயல்பட்டு வருவதுடன் இன்னும் நூறுகிளைகள இந்த் ஆண்டில் அதிகப்ப்டுத்த்ப்படுத்த இருப்பதாக செய்தி குறிப்பை வெளியிட்டிருந்த்து . அதன் அருகே சிரித்த முகத்துடன் வெளியான இந்திய வர்த்தகப்பிரிவு தலைமை அதிகாரியின் முகத்தை பார்த்துக்கொண்டிருந்த அந்த சிங்கிதா உணவு விடுதி மேலாளருக்கு மட்டும் அவர் யாரென நன்கு தெரிந்திருந்தது . UYIR EZUTHTHU .OCTOBER 2022 ------------------------------------------------------------------

இந்திய இசைக்குயில் - லதா - அஜயன்பாலா

நான் பால்ய காலத்தில் ஒரு தீவிர வானொலி ரசிகன் பள்ளிப் பருவம் முழுக்க வானொலி தான் என் மகிழ்ச்சியின் கருந்துளையக இருந்தது . .. காலையில் ஏழரைக்கோ என்னவோ தென்கச்சி கோ சுவமநாதன் இன்று இரு தகவல் எனும் தலைப்பில் ஒரு கதை சொல்வார் . அந்தக் கதை என்ன என கேட்டுவிட்டு காலைக்கடன் கழிக்க பின் கட்டுக்கு ஓடுவேன் குளித்து முடித்து பின் சாப்பிட்டு யூனிபார்ம் போடும் போது எட்ட்ரை மணிக்கு நேயர் விருப்பம் பாடல் துவங்கும் அதன் துவக்க இசை ”டேய் ஸ்கூலுக்கு டமயாச்சு ஓடு என நம்மை சொல்லும்”> அப்படி ஒரு சுறுசுறுப்பாக்கும் இசை . எனக்கு தெரிந்து எண்பதுகளில் பள்ளி வாழ்க்கையை துவக்கிய அனைவருக்கும், இந்த இசை வாழ்க்கையோடு கலந்துவிட்டிருக்கும். பள்ளிக்கு ஒரு கி மீட்டர் மகாபாலிபுரம் டு திருக்கழுக்குன்றம் முக்கிய சாலை யில் நடக்கவேண்டும் 20 நிமிடம் ஓட்டமும் நடையுமாக போக வேண்டும். வழி முழுக்க சின்னதும் பெரியதுமான கடைகள் . அதில் வானொலியில் நேயர் விருப்பம் பாடல்கள் தொடர்ந்து கேட்டுக்கொண்டே பள்ளி செல்வேன். பெரும்பாலும் புதுப் பட பாடல்கள். இளையராஜா தான் வழித்துணைவன் . மதியம் வீட்டுக்கு சாப்பிட வருவோம் அப்போது வானொலியில் ஆகாச் வாணி செய்திகள் வாசிப்பது சரோஜ் நாராயனஸுவாமி . அது போல பள்ளி விட்டு மாலை .. வீடு திரும்பும் போது சாயா கீத் வழியெல்லாம் இந்தி பட பாட்ல்கள் கேட்கும் இந்தி எனக்கு அர்த்தம் புரியாவிட்டாலும் ஆர்வத்துடன் பாடலை கேட்டுக்கொண்டே நடப்பேன் . எனக்கு ஒருமுறை பாடல் கேட்டல மனதில் அதன் ட்யூன் பதிந்துவிடும் .அது எந்த மொழியாகா இருந்தாலும். இப்படியக என் ஞாபக பெட்டகத்தில் உறைந்துகிடக்கும் அந்த பெயர் தெரியாத ப்டாலில் ஏதாவது ஒன்றை திரும்பக் கேட்க நேரும், சந்தர்பங்களில் எல்லாம் ஒரு விதமான உணர்ச்சி எனக்குள் பொங்கும். அட எனக்கு இந்த பாட்டு தெரியுமே. எனக்குள் ஒரு நீரூற்று பொங்கும் . அந்த இந்தி பாட்டை பாஷை தெரியாவிட்டாலும் என்னால் இந்த ட்யூனை அப்படியே வாயால் தத்தகாரம் போட்டு வானொலியுடன் கூடவே பாட முடியும் இப்படி என் வாழ்க்கையில் நினைவில் பதிந்த அடிக்கடி கேட்ட இந்தி பாடல் ஆஜாரே 1957ல் வெளியான் மதுமதி படப் பாடல் . ஆனால் அந்த காலத்தில் என்ன படம் யார் பாடியது எதுவும் தெரியாது பாட்டும் குரலும் மனதை என்னவோ செய்யும்.). அட இந்த பாட்டில் என்ன இருக்கு.. ? ஆஜாரே என இழுக்கும் போது சோகமாக துவங்குகிறது . அப்படியே படிப்படியாக வேகமக துவங்கி மகிழ்ச்சியான பாடலாக மாறுகிறது இதில் எது நம்மை இழுக்கிறது . எது இந்த பாட்டை அடிக்கடி கேட்கவும் தூண்டுகிறது என யோசிப்பேன் . பிற்பாடு அந்த் ஆஜாரே பாட்டுக்கும் எனக்கும் ஒரு பிணைப்பு. நான் தெருவில் கிரிக்கட் விளியாடிக்கொண்டிருக்கும் போது ரேடியோவில் எப்போதவது கேட்டால் அப்படியே மட்டையை கீழே போட்டுவிட்டோ அல்ல்து தண்ணி குடிக்க வருவதாக் பொய் சொல்லிவிட்டோ வீட்டுக்கு வந்து ரேடியோவை அருகில் ஒரு காதலியை பார்ப்பது போல ஆர்வத்துடன் பார்த்துக்கொண்டு அந்த் பாட்டைக் கேட்பேன் . அப்படி கேட்கும் போது கிடைக்கும் சந்தோஷத்தை வார்ர்த்தையில்,விவரிக்க முடியாது. இடைப்ப்ட்ட நாளில் அது போலவே ஆஜாரே எனத்துவங்கும் நூரி பட பாட்டுக்கும் மதுமதி படத்தின் ஆஜாரே ப்ரதேசி பாட்டுக்கும் குழ்ப்பம் வந்து தெளிந்தது . பின் இரண்டுக்கும் ரசிகனாகிவிட்டேன் அக்காலங்கலில் தூர்தர்ஷனில் புதன் கிழ்மை இரவு மற்றும் ஞாயிற்ருகிழ்மை காலை வாரத்தில் இரு நாட்கள் சித்ரஹார் எனும் இந்தி பாடல் நிகழ்ச்சி ஒளிபரப்பாகும். . இக் கால்கட்டங்களில் கலர் டெலிவிஷன்கள் வந்துவிட்டாலும் எங்கள் வீட்டில் அப்போது பிளாக் அணட் ஒயிட் டிவி கூட இல்லை. அக்கம் பக்கம் வீடுகளில் ஓசியில் இந்த நிகழ்ச்சியை பார்க்க நான் பட்ட பாடு எனக்குத் தான் தெரியும் ஒருநாள் சித்ராஹாரை பார்க்கும் போது பல நாட்களாக என் மனதை அடகொண்ட மதுமதியின் பாட்லுக்கு திலீப்குமாரும் வைஜயந்தி மலாவும் டான்ஸ் ஆடுவதை பார்த்தேன் . அதே போல நூரிபட பாடலும் ஒருநாள் பார்க்க நேரிட்டது. ஹீரோ வெளியாகி பட்டி தொட்டி எங்கும் அந்த் பாடல்கள் இதே காலத்தில் ஹிட்ஆனது. அதில் குறிப்பாக் ஒரு புல்லாங்குழல் இசை வரும் . அந்த் ப்டத்தின் நாயகன் புல்லாங்குழல் வைத்துக்கொண்டு அடிக்கடி வாசிப்பான் . அதனால் அந்த் பாட்டின் இசையில் புல்லங்குழ்லுக்கு ஒரு சிறப்பு உண்டு . அக்காலத்தில் அந்த இசையும் பாட்டும் தமிழ் நட்டையே ஆட்டி ப்டைத்தது . டிங் டாங் எனும் அந்த பாட்டின் துவக்த்தில் ஒரு ஆலாபனையுடன் துவங்கும் பெண் குரலுக்கு அனைவருமே மயங்கி வீழ்ந்தனர். என்றே சொல்ல வேண்டும் . அப்போது தான் நான் அதுவரை விரும்பிகெட்டு வந்த ஆஜாரே பாட்லக்ளை பாடியவரும் இந்த டிங் டாங் பாயலை பாடியவரும் ஒருவரே எனவும் அவர் பெயர் லதா மன்கேஷ்கர் எனவும் தெரிய வந்தது . அப்படியாக லதாவின் குரலுக்கு தீவிர ரசினாகிப்போன நான் அவர் பாடிய இந்தி பாட்ல்கள் ஒவ்வொன்றுக்கும் பரம ரசிகனானேன் . அவர் வழியாகத்தான் கிஷோர் முகேஷ் அறிமுகமாகி அவர்களுக்கும் ரசிகனானேன் மற்ற பாடகிகள் கூட குரல் இனிமையை விடவும் லதா மங்கேஷ்கரின் குரலில் என்னவிசேஷம் என்றால் அவர் பாட்லுக்கு குரலின் வழி ஆழமான அனுபவத்துள் அழைத்துச் செல்வார். . இப்போது நம் ஊர் சுசிலாமமா ஜனாகியம்மா உள்ளிட்ட இந்திய பெண் பாடகிகள் , அவரது சகோதரி ஆஷா போன்ஸ்லே அல்லது சாதன சர்க்கம் ஷ்ரேயா கொஷல் யாராக வேண்டுமானாலும் இருக்கட்டும் லதாவின் குரலில் இருக்கும் தனிப்ப்ட்ட விசேஷம் என்ன வெண்ரால் மற்றவர் பாடல்களில் கேட்கும் போது நதிக்குள் பயணிப்பது போன்ற அனுபவம் என்றால் லதாவின் குரலில் ஆழ் கடலில் பய்ணிப்பது போன்ற போன்ற அனுபவம் கிட்டும் . அவர் எந்த் பாடலை பாடினாலும் அந்த படத்தின் கதை இயக்குனர் இசையமைப்பாளர் பாடலைப் பாடும் பாத்திரம் எல்லோரும் அவருக்கு பின்னால் தான் ஒளியவேண்டி வரும். அவர் குரல் எல்லா தகவல் களையும் மறக்கச்செய்து விடும் அதுதான் லதா நிகழ்த்தும் மாயாஜாலம் அவ்ர் பாடும் பாடலின் உணர்ச்சிகள் இலை விட்டு இலை விழும் நீர்த்துளியாக் இருந்தால் கூட போதும் அதி அருவியாக் மாற்றி நம்மி பேரனுபவத்துள் இழுத்துச்செல்வார் . அவர் மாதுரி தீட்ஷித் படங்களுக்கு பாடிய பாட்ல்களை மட்டுமே தனியே கேட்டு பாருங்கள் குறிப்பாக தில் தோ பாகல் கை படத்தில் வரும் அதே பெயரில் துவங்கும் பாடல் பாடும் போது அவருக்கு எழுபது வயதிருக்கும் . ஆனாலும் அந்த் பாடலைக் கேட்கும் போது உங்கள் இதயத்தில் ஐச் க்ரீம் உருகி ஓட வைக்கும் மாயா ஜாலம் அவரல் மட்டுமே நிகழ்த்த முடிந்தது. அவர் எந்த பாடலை பாடினாலும் அந்த் பாடலின் உணர்ச்சிகளை கேட்கும் இதயங்களில் விரவிக்கோண்டு அதே சமயம் நம்மை வேறு ஒரு ப்யணத்துக்குள் இழுத்துச்செல்வார் மவரது குரல் நம்மை உணர்ச்சிகளின் ஆழத்தில் பயணிக்கச்செய்யும் அதே சமயம் அவை மேலோட்டமாக் கவனித்தாலும் மற்ற அனைவரது குரலையும் விட துல்லியமாக இருக்கும் மிகதுல்லியமன குரல் என்ற அளவிலும் கூட இநதியாவின் பெஸ்ட் அவர் தான் . இப்படி துலியம் க்ற்பனை வளம் உணர்ச்சி நிரவல் பாவம் ஸ்ருதி என எப்படி பார்த்தாலும் அவர் இந்ர்தியாவின் நைட்டிங்கேல் என்பதில் வேறு எவருக்கும் மாற்றுக்கருத்தே இருக்க முடியாது. அவர் முதல் இடம் என்றால் அடுத்த 5வது இடத்தில் தான் அவருடைய போட்டியாளராக பலரும் வருவர் ஒரு மகாராஷ்டிர பிராமண குடும்பத்தில் ] 1929 இல் பிறந்த லதா மங்கேஷகரின் அப்பா ,தீனநாத் மங்கேஷ்கர். ஒரு பாரம்பரிய பாடகர் மற்றும் நாடக நடிகர் அவரது அம்மா சுதாமதி குஜராத்திப் பெண், லதா மங்கேஷ்கருக்கு 13 வயதாக இருந்தபோது, அவரது அப்பா இதய நோயால் இறந்து விட அதன் பின் குடும்பத்தின் நெருங்கிய நண்பரும் இசை அமைப்பாளரும் திரைப்ப்ட த்யாரிப்பாளருமான விநாயக் தாமோதர் பராமரிப்பில் லதா வளரத்துவங்கினார். இசை பிண்னனி கொண்ட குடும்பம் என்பதல குரல் வளமும் பாடும் திறமையும் ஒருங்கே அவரை வளர்த்து வந்தது.. சினிமாவுக்காக் அவர் பாடிய முதல் பாடல் துரதிர்ஷட வசமாக அந்த ப்டத்திலிருந்து கடைசி நேரத்தில் இல்லமல போனது . அந்த் படம் மராத்தி திரைப்படமான கிடி ஹாசல் 1942). அந்த் படத்தில் சதாசிவ்ராவ் நெவ்ரேக்கரால் இசையமைக்கப்பட்ட "நாச்சு யா கதே, கேலு சாரி மணி ஹவுஸ் பாரி" எனும் பாடலைத்தான் அவர் பாடியிருந்தார். பாடலோடு சேர்ந்து ஒரு சில படங்களில் அவர் நடிக்கவும் செய்தார் தொடர்ந்து நடிக்க வாய்ப்பு வந்தாலும் அவருக்கு நடிப்பதில் துளியும் ஆர்வமில்லை பெரிய பாடகி ஆகவேண்டும் என்ற எண்னம் கூட இல்லை . இன்னும் சொல்லப்போனால் அவருக்கு இயல்பில் தான் மிகபெரிய புகழடைவோம் என்று நினைத்துக்கூட பார்க்கவில்லை. ஆனாலும் தொடர்ந்து பாடக் கிடைக்கும் வாயப்புகளை பயன்படுத்தி மெல்ல திரையுலகில் முன்னேறிக்கொண்டிருந்தார் . இந்த சூழலில்தான் அவருக்கு ஒரு கனவு அடிக்கடி வந்து தொந்தரவு செய்தது. அது ஒரு , கடலோரத்தில் உள்ள கருங்கற்களால் ஆன கோவில். அந்த கோவிலில் அவர் மட்டும் தனியே இருப்பதக உணர்கிறார். சுற்றிலும் கடல் அலைகளின் சீற்றம் . அவள் தனியாக இருப்பதைக் காண்கிறாள். . அந்த கோவிலில் என்ன சாமி என்ன கடவுள் என்றும் தெரியவில்லை . அதைப் பரக்கும் ஆவலுடன் முன்னேறுகிறார் ஆனால் அதை அவரால் கண்டுபிடிக்க முடியவில்லை . இறுதியில் கோயிலின் பின்பக்கம் ஒரு க்தவு கதவை திறக்கிறார். அங்கு கல் படிகட்டுகள் கீழிறங்க அதில் கால் வைத்து இறங்க அதில் மோதும் பிரம்மாணட கடல் அலைக்குள் அவர் இறங்குகிறார் கடலின் ஆழத்தில் செல்கிறார் . சட்டென் கனவு கலைகிறது பாதியில் எழுந்துவிடுகிறர் இப்படி ஒரு கனவு அவருக்கு அடிக்கடி வர தன் தாயாரிடம் இது பற்றி கேட்க்கும் போது இன்னும் கொஞ்ச நாளில் நீ மிகப் பெரிய புகழை அடையப் போகிறாய் என்பதாக அவர் சொன்னதகாவும் அப்படி சொன்னபோது தான் முதலில் நம்பவில்லை என்றும் அவர் ஒரு பேட்டியில் குறிப்பிடுகிறார் 1949 ஆம் ஆண்டு வெளியான , மஹால் திரைப்படத்தின் 'ஆயேகா ஆனே வாலா' பாடல் தான் அவருக்கு முதல் ஹிட் . தொடர்ந்து அவருக்கு மேலும் சில பாடல்கள் ஹிட் ஆனாலும் அவர் மீது சிலர் குற்றம் குறை சொல்வதும் தொடர்ந்தது .. அக்காலத்தில் உருதுவில் எழுதப்ட்ட் வரிகலைத்தான் பாடகர்கள் இந்தி படங்களில் பாட வேண்டியிருந்தது. ஆனால் லதாவுக்கோ இந்தி தெரியாது . இதனால் வார்த்தைகளில் பல சமயம் தடுமாற்றம் வரத் துவங்கியது . அது அவருக்கு பெரிய பிரச்னையாகிப் போனது. ஒருமுறை அன்றைய சூப்பர் ஸ்டாரான திலிப்குமாரே கூட லதாவின் உருது உச்சரிப்பு சரியில்லை என் பகிரங்க மாக குற்ரம் சாட்ட பின் இதற்காக் உருது மொழியை பேசவும் எழுதவும் கற்றுக் கொண்டு மீண்டும் பாடத்துவங்கினார் அதன்பின் திலீப் குமாரே வியக்கும் பாட்ல்களை பாடினார் என்பதுவே வரலறு அன்று துவங்கிய அவரது பயணம் இந்தியாவின் முன்னணி இசையமைபாளர்கள் அனைவரும் அவர் காரின் வருகைக்காக ஸ்டூடியோ வாசலில் நிற்க வைக்கும் அளவுக்கு முன்னேறியது. இக்கால கட்டங்கலில் மள மளவென புகழின் உச்சியில் ஏறினார். நவ்ஷத் துவங்கி ஏச்டி பர்மண் ல்லஷ்மிகாந்த் பியாரிலால் . ஆர் டி பரமன் இளையராஜா வரை அனைவரது அனபுக்கும் பாத்திரமானார் . நம் ஊர் நடிகர் திலகம் சிவாஜி அவர்கள் அவரது குரலும் லதா அவரது நடிப்புக்கும் பரஸ்பரம் தீவிர ரசிகர்களாக இருந்தது நாம் அனைவரும் அறிந்ததே சத்யா பட்த்தில் இளையாராஜாவுகாக வளையோசை கலகலவென் அவ்ர் குரலில் கலகத்த இளைஞர்களின் இதயங்கள் இன்றைய டூ கே கிட்ஸ் வரைக்கும் ஈர்த்துக்கொண்டுத்தான் இருக்கிறது ஒரு பாடகி எனபதைத் தாண்டி இந்தியாவின் கலை அடையாளமாக பல நாடுகளில் அவருக்கு கிடைத்த கவுரவம் ஒரு நடிகருக்கும் கூட கிடைக்காதது . . எந்த திரை நட்சத்திரத்துக்கும் சளைக்காத புகழ் உச்சியைத்தொட்ட லதாவுக்கு , தாதா சாகேப் பால்கே விருது (1989) உட்பட எண்ணற்ற விருதுகளை வென்றுள்ளார் மற்றும் 2001 இல் இந்தியாவின் மிக உயர்ந்த குடிமகன் விருதான பாரத ரத்னா உட்பட பல அசாதாரண அங்கீகாரத்தைப் பெற்றார். இத தொடர்ச்சியக அவர்து உயரங்களை நோக்கிய பயணம் கடந்த் பிர்வரி ஆறாம் தேதி வானுலகம் செல்வதுடன் ஒரு முடிவுக்கும் வந்தது நான் அவர் இறந்த செய்தியை கடந்த பிப்ரவரி 6 ம் தேதி கேட்கும் தருணத்தில் பொன்னிற வெளிச்த்தில் சூர்யன் மயங்கும் பள்ளி முடிந்து வீடு திரும்பும் வழியில் கேட்ட ஆஜாரே பாட்டு தான் ஞாபகத்துக்கு வந்தது. நன்றி: பேசும் புதிய சக்தி மார்ச் 2022 இதழ்

சாம்பல் தோட்டத்து இயேசு … பிரான்சிஸ் கிருபா

அஜயன்பாலா

பெரும் குற்ற உணர்ச்ச்யை உண்டாக்கிவிட்டுச் சென்று விட்ட நண்பனும் கவிஞனுமான பிரனசிஸ் கிருபாவின் மரணத்தின் நிழல் இன்னமும் விலக வில்லை .

அவன் ஒரு வனம் நடந்து செல்லும் வனம் . எண்ணற்ற பூக்களையும் பறவைகளையும் பூச்சிகளையும்  தனக்குள் உருவககி பூமிக்குள்  கவிதைகளாய் கொட்டிய வனம் 

மற்றவர் கண்ணுக்கு பூத்துக்குலுங்கிய அந்த வனம் இன்னொருபக்க்ம் தன்னைத்தானே எரித்துக்கொள்ளவும் செய்தது.

வெகு காலத்துக்கு முன்பே பிரனசிஸ் என்னோடு பேச வரும் போதெல்லம் அந்த ஓசை எனக்கு கேட்கத் துவங்கிவிட்டது .

எங்கோ ஒரு மூலையில் அதன் சுள்ளிகள் கொஞ்சம் கொஞ்சமாக  எரிந்து பட் படடென் ஓடியும் ஓசை பல வருடங்களுக்கு முன்பே எனக்கு கேட்கத்துவங்கிவிட்டது.

அவனிடம் கவிதை எழுதச் சொல்லி உள்ளுக்குள் எரிந்த கட்டற்ற தீயை அனணைக்க  அவனுக்கு கிடைத்த ஒரே வழி  எதுவோ அ6துதான்   அவனுக்கு இந்த துரோகத்தை செய்து நெருப்பையும்  பற்ற வைத்துவிட்டது

பிரான்சிஸ் இதை அனுமதித்தான் .  நெருப்பு த்ன்னை பற்றி எரியும் போது அதன் அழகை  அந்த நாக்கின் நடனத்தை ரசித்தான் அதையும் கவிதையாக்கினான்

. பலரும் அவன் கவிதைகளை ரசித்த்னர் . நான் நெருப்பை அனைப்பதில்  கவனம் செலுத்தினேன்

பிரான்சிஸ் எனக்கு  23 வருடங்களுக்கு முன்பக அறிமுகம் ஆனவன் . .

எனது நண்பர்களான ராஜன் அரவிந்தன் செம்பூர் ஜெயராஜ் இருவரும் தான் பிரான்சிஸை  97 ல் எனக்கு அறிமுகப்படுத்தினர்.. இருவரும் மும்பையிலிருந்து சென்னை வந்த்வர்கள். பூர்வீகம் நெல்லை. . நெல்லையிலிருந்து மும்பைக்கு போய் அங்கு  போல்ட் இண்டியா பத்ரிக்கையில் சில காலம்  வேலைசெய்து அங்கு இலக்கிய கூட்டங்களில் நண்பர்களாகி  பின் அங்கிருந்து   சினிமாவுக்கு வாயப்பு தேடி சென்னை வந்தவர்கள்.. இங்கு ஒரு கணையாழி கூட்டத்தில் எனக்கும் அவர்கள் நண்பர்களாகினர். அப்போது செம்பூர் ஜெயராஜின் அறை  வேளச்சேரியில் இருந்தது .   அறை க்கு நான் அடிக்கடி செல்லும் போது பிரான்சிஸ் கிருபா என்ற ஒருவர் நல்ல கவிஞர் மும்பையில் இருக்கிறார்.  விரைவில் அவரும் இங்கு வரவிருக்கிறார் எனச் சொல்வார்கள் .  

அப்படியே  பிரன்சிஸ் சென்னைக்கு வந்த முதல் நாளில் அவரை எனக்கு இருவரும் அறிமுகப்படுத்தினார்கள். அப்போது நண்பர் .அ. பாலகிருஷ்ணன் கிங் மேக்கர் எனும் பெயரில் காமராஜர் பற்றி தொலைக்காட்சி தொடர் எடுத்துக்கொண்டிருந்தார் . அவரும் மும்பையிலிருந்து சினிமாவில் தயாரிப்பாளராக வந்த்வர். கோடம்பாக்கம் பாலத்துக்கும் வள்ளுவர் கோட்டத்துக்கும் இடையில் சட்டி பானை விற்கும் பேருந்து நிலையத்தின் பின்புறம் இருந்த  அவரது  அலுவலகத்தில் தான் பிரான்சிஸோடு  முதல் சந்திப்பு நடந்தது  இலக்கியமும் சினிமாவும் எங்கள் நட்பை இரவு பகலாக வளர்த்தன.  . பிரான்சிஸை தொடரந்து நீயா நானா ஆண்டனியும் மும்பையிலிருந்து வந்தார் . . மற்ற அனைவரைக் க்காட்டிலும் பிரான்சிஸ் கொஞ்சம் துடிப்புடன் இருந்தார் .அவரிடம் என்னிடம் இருப்பது போலவே கனவும் நம்பிக்கையும் அதிகம் இருந்த்து .. அந்த அலுவலக  மாடியில் வீட்டு ஓனர் பெண் ஒரு நாள் நாங்கள் இருவர் மட்டும் இருக்கும் போது சாவி கொடுக்கவோ  வாங்கிச்செல்ல்வோ வந்து போனார் . அவர் வந்து போனபின்  அறைக்குள் ,மவ்னம் .வளர்ந்த்து . செடி போல வளர்ந்த அந்த மவ்னத்துக்குபின்  இருவருக்குள்ளும் புன்னகை / என் வெட்கத்தை கண்டுபிடித்துவிட்டர பிரான்சிஸ் . . அந்த பெண்ணுக்கு ஒரு பதினாறு வயதிருக்க்லாம் சற்று நேரத்தில்  நான் தான் முதலில் ஒரு கவிதை எழுதினேன் . அவரும் என்னை தொடர்ந்து ஒரு கவிதை எழுதினார் . பிரான்சிஸ் என் கவிதையை நன்றாக இருப்பதகச் சொன்னார் . அவருடைய கவிதையும் சிறப்பாகவே இருந்ததை சொல்லத்தேவையில்லை

 . தொடர்ந்து நான் சினிமா வேலையில் தீவிரமாக இறங்க தொடர் சந்திப்புகள் குறைந்து போனது. பிற்பாடு நான் தங்கயிருந்த பால்சுகந்தி மேன்ஷனுக்கு அவரும் வந்து சேர்ந்தார் . அப்போது என்னை சந்திக்க வரும் இலக்கிய நண்பர்கள் அனைவரும் அவருக்கும் நண்பர்களாயினர் . . நான் ஓடிக்கொண்டேயிருந்த காலம் அது . எனது நண்பர்கள் வழியில் தென்படுபவர்கள் மட்டுமாக மாற்றிக்கொண்ட காலம்  இடையே பிரான்சிஸ் கிருபாவின் கவிதைகள் பரவலாக பேசப்பட்டன . ஒருநாள் நண்பர் மூலம் பிரான்சிஸ் கிருபாபற்றி தெரிய வந்த தகவல் அதிர்ச்சியூட்டுவதாக அமைந்தது . .ஊரில் மனப்பிறழ்வு ஏற்பட்டு சங்கிலியால் பிணைக்கப்ப்ட்டு கொடூரமாக நடத்தப்படுவதாக  ஊருக்குசென்று நேரில் பார்த்த ராஜன் அரவிந்தன் விவரித்தார். . இனி திரும்ப மாட்டார் என நினைத்த பிரான்சிஸ் சில ; வருடங்களுக்கு பின்  சென்னைக்கு முழு ஆரோக்கியத்துடன் திரும்பினார்  அவர் திஒரும்ப வந்த போது  ராஜன்  அரவிந்தன் எங்களை விட்டு நிரந்தரமாக பிரிந்தது பெரும் சோகம். . சென்னையில் சினிமாவை ஃநம்பி பெரும் கனவுகளுடன் நாள் தோறும் இறங்கும் ஆயிரக்கண்க்கான கிராமத்து  இளைஞர்களில்  சிலர் மட்டுமே  சாதூர்யமாக் கால் மாற்றி மாற்றி வைத்து வழி அடைகின்ற்னர். ஆனல பலருக்கு  கால்ம் வழிகாட்டும் பாதை காராக்கிரகம் தான். . இப்படியாக ஒன்றக ஓடத்துவங்கிய எங்களது பயணத்தில் ராஜன் அரவிந்த்னை இழ்க்க நேர்ந்தது பெரும் கொடுமை. பிற்பாடு அவருடைய கதைகளை தொகுத்து சாயங்கலாம் எனும் தலைப்பில் நூலகக மட்டுமே எனனால்  முடிந்தது.

ராஜனின் இழப்பு எனக்குள் மிகப்பெரிய குற்ற உணர்ச்சியை உருவககியது . இனி ராஜனைப்போல யாரையும் இழந்து விடக்கூடாது என்ற பதட்டத்தையும் அது உருவககியது

தொடர்ந்து நான் சினிமாவில் பணிபுரிந்து வந்த காரணத்தல பிரான்சிஸை தொடர்புகொள்ள  முடியவில்லை  அப்போது பிரான்சிஸ்  செம்பூர் ஜெயராஜ இருவரும் காமராஜர திரைப்பட பணிகளில்  அ. பால கிருஷ்ணன் அலுவலகத்தில் தீவிரமகா இருந்த்னர். . இதனிடையே எனது மார்லன் பிராண்டோ  சுயசரிதம் 350 பக்கத்தில் பெரிய புத்த்கமக கனவுப்பட்றை வெளியிட்டது . புத்தகக்கண்காட்சியில் அதைப் பார்த்த பிரனசிஸ் யூமாவிடம் மகிழ்ச்சியாக  பாலா ரொம்ப பெரிய வேலை பண்ணிட்டாரு  என சொல்லியதோடு அடுத்து வருடம் இதைவிட பெரிசா ஒரு புக் இறக்குவோம் யூம அஎன சிரித்துக்கொண்டே  சொன்னார்

2007 வாக்கில் பள்ளிக்கூடம் பட்பபிடிப்பு நடக்கும் போது சென்னையில் புத்தகக் கண்காட்சி நடந்துகொண்டிருந்தது . 25 வருடத்தில் நான் தவறவிட்ட ஒரே புத்தக்க் கண்காட்சி அது. சென்னையிலிருந்து அந்த புத்தகக் கண்காட்சிக்கு சென்று வந்த நண்பர் ஒருவர் உங்க ப்ரண்டு பிரான்சிஸ் க்ருபாவுக்கு மிகப்பெர்ய கட் அவுட் வச்சிருக்காங்க என ஆச்சர்யப்பட்டு பேசினார். . தமிழினி வெளியீடாக அவரது கன்னி நாவல்  வெளியான போது அதற்கான  பதகை அது . ஒரு கவிஞனுக்கு இப்படியனா கவுரவம் தமிழ்ல் அதுவரை இல்லை .

தொடர்ந்து அவரைப்பற்றி அதிகம் உலகம் பேசத்துவங்கியது. மல்லிகை கிழமைகள் எனற பெயரில் ஆனந்த விகடனில் கவ்தைத்தொடர் அவரை தமிழ் கவிஞனாக முழுமையாக சிம்மாசனமிட்டு அமர வைத்த்து .  அப்போது என்னை கடந்து பிரான்சிஸ் சென்றுவிட்ட சிறு ஆதங்கம் ஒன்றும் மின்னல் போல எனக்குள் வந்து போனது.   ஆனாலும் நட்புக்குள்  பங்கம் இல்லை . எப்போதும் போல பார்க்கும் இடங்களில் அனபைபொழிவார் . பிற்பாடு அடுத்த வருடம் அதே  விகடனில் நானும் தொடர் எழுதும் வாய்ப்புகிட்டியது .  தொடர்ந்து நான் அடுத்தடுத்த பாய்ச்சலுக்கு  தயராகிக்கொண்டிருந்த  கால்ம் அது. அப்போது   மொபைல்புழக்கம் அதிகம் வந்துவிட்ட படியால்  பின்னிரவுகளில் அவரிடமிருந்து தொலைபேசி அழைப்பு அடிக்கடி வரும் . . என் நண்பன்னு உங்களை சொல்லிக்கொள்ள பெருமையாக் இருக்கிறது  என்பார் .  தொடர்ந்து வெண்ணிலா கபடிக்குழு  அழகர்சாமி குதிரை போன்ற படங்களில் பாட்டு எழுதினார் .. கிங் மேக்கர் காமராஜ்  படத்தில் செம்பூர் ஜெயராஜுடன் சேர்ந்து வசனம் எழுதியிருந்தார் . இனி பிரான்சிஸ் ஒரு இட்த்தை அடைந்துவிடுவார் என எதிர்பார்த்தேன் . ஆனால்  சினிமாவில் பாட்டு எழுதும் போட்டி நிறைந்த ஆட்ட்த்தில் சோபிக்க  முடியவில்லை. ஆனாலும் முன்னைவிட அவரிடமிருந்து கவிதைகள் கொழுந்துவிட்டெரியும் ஆவேசத்துடன் வெளிவரத்துவங்கின

பிரனசிஸின் கவிதிகளை தமிழில் தேவ தேவனோடுடன் ஒப்பிடகூடியவை

தேவ தேவனிடம் இயற்கையின் சர்னாகதியுடன் கூடுய சுய ஒழுகல் ஆன்மிக தீண்டல்கள் இருக்கும் . ஆனால் பிரான்சிஸ் கவிதைக்குள் நேரடியாக் உருவகத்துடன் கூடிய இயேசுவின் கால் தடங்கள் தெரியும் .  த்ன்னை துன்புறுத்தும் கணவனின் காலடியில் தொழும் ஒரு  பிடிவாதக்காரி மனைவி போல அவர் கவிதைகளில் சதா உருவகப்படுத்த்ப்ப்ட்ட  இயேசுவுடன் சணடை போட்டுக்கொண்டே இருப்பார் .. இப்படி அக உலகில்  அவருக்குள் மிகப்பெரிய மனப்போரடடம  இருந்த கார்ணத்தால்  தவிர்க்க வே முடியமால் அவர் முன்பிருந்த நிஜ உலகத்தின் விளக்குகள் அனைத்தும் இருண்டுவிட்டன .மனைதர்கள்  சொற்ப்பமாகவே மங்கலக அவர் கண்ணுக்கு தட்டுப்பட்டனர்.

.பிற்பாடு சாலிக்கிரமத்துபகக்ம் நான் குடிவந்த பின் மீண்டும் பிரனசிஸை அடிக்கடி சந்திக்கும் வாய்ப்புகிட்டியது . முடிந்த அளவு பொருளாதர உதவிகள் மட்டுமே என்னல் செய்ய முடிந்தது . தங்குவதற்கு அறையில்லை என ஒருமுறை என்னிடம் கேட்டார் . நண்பர் மூஅல்மாக சொல்லி ஏற்பாடு செய்தேன் இருவரும் 2017 வககில் பட்டுக்கோட்டையில்  ஒரு  நிகழ்ச்சியில் கலந்து கொள்ள ஒன்றாக பயணித்தோம் . பல வரௌடங்களுக்குபின் வெகு நேரம் பல விடயங்கள் ஒன்றக பேசிப்பகிர கிட்டுஇஅய் வாய்ப்பு .

இரண்டு நாள் பயணம் ம்ழுக்க பிரனசிஸ் அமைதியாகவே இருந்தான்  ஆச்சரயம் . ஒருவேளை என் மனைவி  உடன் வராமல் இருந்தால் மதுவில் மூழ்கியிருக்க்லாம் .  மட்டுமல்லாமல் ஒரு நண்பனாக என் வார்த்தைக்கு மிகவும் கட்டுப்ப்ட்டவனும் கூட பிரான்சிஸ்

 

பிற்பாடு அநன் அவரை அடிக்கடி டிஸ்கவரி புக் பேலஸ் வசாலில் சந்திக்கும் போதெல்லாம் அவர் நடுக்கடலில் இருப்பார் . நான் நிலத்தில் இருப்பேன் .

கூட்டம் முடிந்து நான் யாருடனாவது பேசிவிட்டு வரும்வரை  அமைதியாக ஓரமாக கைகட்டி நிற்பார் . ஆனல் அக உலகிலோ  அவர் ,கடவுளையும் அடியாளாக வைத்திருக்கூடிய சர்வ வல்லமை உடையராகவும் இருப்பதை நான் அறிந்திருந்தேன்

இறுதிக்காலங்களில் அவரிடம் கொஞ்சம் மூர்க்கமாக நடந்துகொண்டேன்

உலகுக்கு வேண்டுமானல அவர் உன்னத கவிஞனக இருக்க்லாம்

ஆனால் அவரோ எனக்கு நண்பன் . ராஜன் அரவிந்தன் போல தக்கை பாப்பு போல அவரும் முடிவை தன்க்கு தானே  எழுதிக்கொள்ளும் கவிதையாக மாறுவதை நான் விரும்பவில்லை

ஆனால் இடைப்ப்ட்ட காலத்தில் அவர் நிலைமை கநழுவும் நடச்த்திரமாக உயர ஆர்ம்பித்துவிட்டது

கோயம்பேடு சம்பவத்தில் அவரை  த்வறகா கருதி போலிசார் கைது செய்யப்போக கடைசியில் அவர் இயேசு என உலகம் அறியும் வகையில் த்ற்செயல்கள் நிகழ்ந்து அவருக்குள் அவர் வைத்திருந்த பிம்பமே அவராகிப்போன சம்பவமாகிப்போனது

அவர் இது வரி எழுதிய அனைத்து கவிதைகளையும் விட கவித்துவம் மிளிரும் செயல் அது.

அந்த கவிதையை மறுநாள் ஊடகம் வழி தமிழ் நாடே செய்தி வடிவில் வாசித்துக்கொண்டது /

அவருக்குள் அப்போது அந்த வனம் பெரும்பகுதி எரியத்துவங்கி பெரும் தீச்சுவலையுடன் வன நோக்கி உயரத்துவங்கியது இதொ கடந்த செப்டம்பரில் அது முழுமையக எரிந்த போது அத்ன் தீபிழம்பில் பிரனசிஸின் முகம் என்னை பார்த்து சிரிப்பதைக்கண்டேன் .

 

ரத்தநாளங்களில் சுத்தமாக
குருதியின் விறுவிறுப்பு குறைந்து
இமைக்கும் துடிப்போய்ந்த
இதயக்கண் வெறிப்பில்
உயிருக்கு நேர் எதிரே
நகர்த்தி வைக்கப்படுகிறது
தலைவாசல் திறந்திருக்கும்
மரணத்தின் மௌனம்

அவிழ்த்தெடுக்கப்பட்ட திசைகள்
குவிந்து கிடந்த மூலையிலிருந்து
விரியும் கம்பளச் சுருள்
முடிவடைகிறது காலடியில்

அள்ளியணைக்கும் ஆர்வம்
பேரன்பாய் பெருகுகிறது
நிழலின் சிரிப்பில்.

n  மெசியாவின் காயங்கள் – பிரான்சிஸ் கிருபா