July 3, 2021

என்னை மாற்றிய புத்தகம் -இல்லூஷன்ஸ் – ஆங்கில நாவல் – ஆசிரியர் : ரிச்சர்ட் பாஹ் -- அஜயன் பாலா

 

 

 

என் வாழ்க்கையில் எத்தனையோ நூல்கள் என்னை நெகிழ்த்தியிருந்தாலும் ஒரு புத்தகம் அதிசயம் போல என் வாழ்க்கையை  மாற்றியமைத்தது . வெற்றிகரமான வாழ்க்கையின் ரகசியத்தை அது எனக்கு கற்றுத்தந்தது.

இன்றுவரையிலான என் ஒட்டு மொத்த வாழ்க்கைக்கான சாவியை அந்த புத்தகத்தில் தான் மனதால் கண்டுபிடித்தேன்.  அந்த ஆங்கில நூலின் பெயர்  இல்லூஷன்.  எழுதியவர் ரிச்சர்ட் பாக். 

எப்போதும் பொருளை நோக்கி திட்டமிட்டு வாழும் இந்த மூக்கணாங்கயிறு வாழ்க்கை எவ்வளவு போலித்தனமானது என்பதைச் சொல்லிக்கொடுத்த நூல் அது மேலும் இந்த நூல் எனக்கு வந்து சேர்ந்ததே ஒரு கதை  இருபது  வருடங்களுக்கு முன்பு ஒரு நாள் சென்னை திவுத்திடலில் இருக்கும் சிற்றரங்கம் என்னும் இடத்தில் நாடகம் ஒன்றை பார்க்க நண்பர் எழுத்தாளர் கோணங்கியின் அழைப்பின் பேரில் சென்றிருந்தேன் . அன்று இரவு அந்த நாடகத்தை நடத்திய அண்ணாமலை எனும் நண்பர் வீட்டில் இருவரும் தங்கினோம் . அப்போது கோணங்கி இந்த இல்லூஷன் நாவலை பார்த்துவிட்டார் . கேட்டால் படிக்க தரமாட்டார்கள் என்றெண்னி அந்த நூலை என் பைக்குள் சட்டென போட்டு அப்புறம் வாங்க்கொள்கிறேன் என்றார்.  இருவரும் மறுநாள் காலை அங்கிருந்து புறப்பட்டு அப்போது பழவந்தாங்கலில் இருந்த என் வீட்டுக்கு வந்த  போது சட்டென கோணங்கி  பயணத் திட்டத்தை மாற்றி வழியில் பேருந்தில் இறங்கி கையசைத்து போய்விட்டார் . வீட்டுக்கு வந்தபின்  எதேச்சையாக பையை திறக்க  இந்த நூல் . இல்லூஷ்ன் இருந்தது . அதுவரை பெரிதக ஆங்கில வாசிப்பு இல்லாவிட்டாலும்  முதல்முறையாக  அந்த நூலை எடுத்து படிக்க ஆரம்பித்தேன் பிற்பாடு ஐந்து வருடங்களுக்கு பின் என் வாழ்க்கையை  அது திருப்பி விட காரணமாக அமைந்தேவிட்டது . 

நூலின் ஆசிரியர் ரிச்சர்ட் பாஹ் ஒரு விமான ஓட்டி . அவரோடு பயணிக்கும் டொனால்டு எனும் சக விமான ஓட்டிக்கும் அவருக்கும் நடக்கும் உரையாடலும் அதையொட்டி நடக்கும் அதிசயம் போல சம்பவங்களும் தான் கதை. ஒரு சுயசரிதம் போல புதுமையான வடிவத்திலான நாவல் இது  

இந்த நாவலின் ஓரிடத்தில்  கதை சொல்லி நாயகனிடம்  அவரது நண்பர் டொனால்டு சொல்லுவார் ….நமக்கிருக்கும் பிரச்னைக்கெல்லாம் காரணமே நமது தேவைதான் . . அதுதான் நம்மை அலைக்கழிக்கிறது.  ஒரு நிம்மதியற்ற வாழ்க்கையை உருவாக்குகிறது .  இதிலிருந்து  தப்பிக்க ஒரே வழி எல்லா ஓட்டத்தையும் நிறுத்தி விடுங்கள்  கனவுகளை ஆசையை நிர்பந்ததை ஒழித்து விடுதலையாகுங்கள் . மனதின் ஆழத்தில் ஒரு சக்தி பிறக்கும் . அதில் திளைத்துக்கொள்ளுங்கள்  அதன் பின் வாழ்க்கையில் நீங்கள் மனதில் ஒன்று நினைத்தால் அது அதிசயம் போல நடக்கும் என சொல்லுவார் . நாவலின் மையப்பகுதியே இதுதான் .

 அது போல நாயகன் ரிச்சர்டும்  செய்தபிறகு இருவரும் ஒரு உணவு விடுதிக்கு சென்று அமர்வார்கள்  ஏதோ ஒரு உணவை  ஆர்டர் செய்து விட்டு காத்திருக்கும் போது  நாவலாசிரியர்  டொனால்டிடம் நீங்கள் சொல்வது போல செய்துவிட்டேன்  மனதில் ஒளியை கண்டுபிடிக்க முடிகிறது . ஆனாலும் நான் நினைப்பது எல்லா,ம் நடக்கும் என்ற நம்பிக்கை இல்லை என்பார் . அப்போது டொனால்டு உங்களுக்கு தெரிந்த பூ எதையாவது மனதில் நினைத்து கண்ணை மூடுங்கள்  கண் திறக்கும் போது அதை   பார்க்கமுடியும்  என்பார். ரிச்சர்டும் அந்த இடத்தில் தோன்ற வாய்ப்பே இல்லாத ஒரு பூவை  மனதில் நினைத்துக்கொண்டு கண்ணை மூடி அமர்வார் . கண்னை திறக்கும் போது அவர் மனதில் நினைத்த அதே பூ கண்முன் .   உணவு மேசையில் அவர்கள் சற்றுமுன் ஆர்டர் செய்த உணவின் மேல் அழகுக்காக பொருத்தப்பட்டிருக்கும்

பிற்பாடு இந்தக்காட்சி பல ஆங்கிலபடங்களில் தமிழ் படத்திலும்  காட்சிப் படுத்தப்ப்ட்டது வேறு விஷயம் . இந்த கதையில் வரும் இது போன்ற சம்பவம் நிஜத்தில் நடக்குமா இல்லையா என்ற கேள்விகளை  விட்டுவிட்டு வெறுமனே கதையாக வாசிக்கும் போது இந்த காட்சி என் வாழ்க்கையின் பல நெருக்கடிகளுக்கு தீர்வாக அமைந்தது

திரைப்பட இயக்குனராக ஆகும் கனவோடு சில படங்களில் உதவி இயக்குனராக் பணிசெய்து விட்டு  இயக்குனராகும் வாய்ப்பு தேடி அலைந்து பல வாய்ப்புகள் நெருங்கி வந்து கைதவறிப் போன பின் மிகவும் மனக்கிலேசத்தில் இருந்த போது  இந்த நாவல் தான் எனக்கு கைகொடுத்தது .  மன நெருக்கடி மிகுந்த ஒரு நாளில் இயக்குனராகும் கனவை விட்டுவிடுவது நடக்கும் போது நடக்கட்டும் என விட்டு விட்டேன் . மனம் அமைதியானது ஆனால் அப்போதுகூட நான் எழுத்தாளானாவேன் என நினைக்கவில்லை .ஆனல் வாழ்க்கையின் பலவேறு காரணிகள் என்னை அலைக்கழித்து இன்று எழுத்தாளனாக அடையாளம் பெற்றுள்ளேன் . ஒரு வேளை அந்த நூலை நான் படிக்காஅவிட்டால் நான் இதைவிடவும் மிக உயர்ந்த நிலைக்கு சென்றிருக்கலாம்.  ஆனாலும்  என் அப்போதையை மன உளைச்சலுக்கு அந்த நூலின் தத்துவம் தான் என்னைக்



காப்பாற்றியது .


June 24, 2021

தேவதைகளின் தேவதை . ஆட்ரே ஹெப்பர்பன்

 

தேவதைகளின் தேவதை . ஆட்ரே ஹெப்பர்பன்

அஜயன் பாலா

 


உலகம் ,,முழுக்க  இன்றும்  பலகோடி ரசிகர்களின் இதயத்தில் வாழும்  தேவதை என்ற  புகழை பெற்ரவர்கள் மர்லின் மன்றோ எலிசபெத் டெய்லர், ஜூலியா ராபர்ட்ஸ் மெரீல் ஸ்ட்ரீப்  போன்ற ஒரு சிலர் தான்  ஆனால்  இந்த தேவதைகளுகெ;ல்லாம் தேவதை  ஒருவர் உண்டு என்றால் அவர்தான் ஆட்ரே ஹெப்பர் பென். இத்தனைக்கும் இவர் இறந்து 28 வருடம் ஆகிறது ஆனாலும் இன்றும் அவர் கொண்டாடப்ட்ட காரணம் .அவர் இதயம் . பணம் புகழ் அழகு திற்மை  அனைத்தையும் விட கருணையும் அனபும் தன என அவர் வாழ்ந்து காட்டிய விதம்

1929ல் பெல்ஜியம் நாட்டில் பிறந்த ஆட்ரே ஹெப்பர்ன் சிறு வயதிலெயே பாலே நடனத்தில் அனைவரையும் ஆ சொல்ல வைத்தார் . அந்த நடனம் அவருக்கு நாடகத்துக்கு கூட்டிசென்றது. நாடககுழுவுடன் அமெரிக்கா போனார். அங்கு விலியம் வைலர் எனும் டைரகடர் ரோமன் ஹாலிடே எனும்  தான் எடுக்கப்போகும் ஒரு கனவு  படத்தில் நாயகியாக நடிக்க ஒரு தேவதையை  .தேடிக்கொண்டிருந்தார் . அந்த நேரம் ஆட்ரேவும் அமெரிக்காவுக்கு செல்ல அதிர்ஷ்டம் இருவரையும் சந்திக்க வைத்தது. 

 . 1954ல்  வில்லியம் வைலர் என்ற டைரகடர்  ஒரு கனவு படம் எடுக்க ஆசைப்ப்ட்டார் . அதன் பெயர் ரோமன் ஹாலிடே  இத்தாலியின் ரோம் நகருக்கு சுற்றுப்பயணம் வரும் பிரிட்டிஷ் இளவரசி  ராஜ கெடுபிடி பிடிக்கமால் தங்கும் விடுதியிலிருந்து  இரவோடு  இரவாக தப்பித்து  ஊரைசுற்றிப் பார்க்க கிளம்புகிறாள் . அந்த ஊரில் அவ்ள் யாரென்றே தெரியாமல் பத்ரிக்கை இளைஞன் ஒருவனுடன் ஒரு இரவையும் பகலையும் கழிக்கிறாள். அவனும் அவ்ள் யாரென்றே தெரியாமல் அவளோடு சேர்ந்து ஒருநாள் முழுக்க அவளோடு ஊரை சுற்றுகிறான் . பிறகுதான் நாடே அவளை காணாமால் அல்லோகலப்படுவது தெரியவருகிறது . பின் காவலர்களும் அவளை அழைத்து சென்று  விடுகின்றனர் .   பிறகுதான் அவனுக்கு தன்னோடு ஒரு நாள்  கழித்த்வள் இங்கிலாந்து இளவரசி என்பது . அவனிடமோ அவள் புகைப்படங்கள். அதுவும் உல்லாசமாக அவ்ளும் அவனும் ஊர் சுற்றிய புகைப்ப்டங்கள்  ப்த்ரிக்கையில் கொடுத்தால் அவனுக்கும் புகழும் அவ்ளுக்கு அவமானமும் உறுதி . மறுநாள் இளவரசியோடு பத்திரிக்கையால்ர்கள் சந்திப்புக்கு ஏற்பாடு. நேற்று ஒருநாள் அவனோடு நெருங்கி ஒடி உறவாடியவள் இன்று பாதுகாப்பு வளையத்தில்  அரசியாக அவன் முன் அமர்ந்திருக இவனோ கூட்டத்தோடு கூட்டமாக நிற்கிறான் . இருவருக்குமிடையில் பார்வை மட்டுமே ஆயிரம் வார்த்தைகளுடன்.   அந்த ஒரு சில கணங்களில் ஆட்ரே முகத்தில் கடடும் அற்புத நடிப்புதன் சினிமா வரலாற்றில் அவர் புகழ் என்றும் நிலைத்திருக்ககார்ண்மாக அமைந்துவிட்டது .வெறும் அழகு திறமை தாண்டி அவரிடமிருந்த பரந்து பட்ட இதயம் தான் இன்றும் அவரை  உலகின் தலைசி றந்த கதாநாயாகியாக் கொண்டாட வைக்கிறது . \ உலகெங்கும் உள்ல குழ்ந்தைகள் படும் துயரங்களைக்கண்டு வருத்தமுற்றுவதை பார்த்து உலக குழ்ந்தைகள் நல அமைப்பான் யுனிசெப் அவரை சிறப்பு தூதுவராக அறிவித்து ஆபிரிக்கா தென் அமஎரிக்க என உலகில்  எங்கெல்லாம் பசியாலும் நோஒயாலும் குழந்தைகள் கஷ்டப்படுகிரார்களோ அங்குல்லாம் அனுப்பி அவ்ர்களுக்கக நிதி திரடட் அனுப்பி வைத்தது

. அமெரிக்காவில் 1954ல் ரோமன் ஹாலிடே  படம் வெளியாகியது ஒரே நாளில் அமெரிக்காவின்  பல கோடி இதயங்களில் இளவரசியாக அமர்ந்தார் ஆட்ரே ஹெபர்பன் . ஆட்ரேவின் சிறப்பு எது அழகா நடிப்பா  அவர் கண்களா சுறுசுறுப்பா என அமெரிக்கர்களிடம் பட்டி மன்றமே நடந்தது. .  அந்த வருடத்தின் ஆஸ்கார் உள்ளிட்ட அனைத்து சிறந்த நடிகை விருதுகளும் அவருக்கே கிடைத்தன... தொடர்ந்து  வரிசையாக  அவர் நடித்த்  படஙகள் எல்லாமே வெற்றி மேல் வெற்றி.  வெறும் நடிகை என்பதை தாண்டி  விளம்பர மாடலாகவும் நம்பர் ஒன் ஆனார். அவருக்கு எந்த உடை போட்டலௌம் அந்த உடையே அதிர்ஷ்டம் செய்து அவரிடம் வந்தது  போல் இருக்கும் . இன்றும் உலகின் சிறந்த உடை அலங்கார அழகி நமப்ர் ஒன் அவர்தான்

இப்படி  உச்சத்தில்  இருக்கும் போதே ஒரு நாள் பலருக்கும் அதிர்ச்சியூட்டும் விதமாக நடிப்புக்கு முழுக்கு பொட்டுக்கொண்டார் அத்தோடு நின்றிருந்தால் அவரும் பத்தோடு பதொன்றாக மாறியிருப்பார் . ஆனால் அடுத்து அவர் செய்ய முடிவெடுத்த காரியம் தான்  இன்றும் அவரை உலகமே நேசிக்க காரணம் . ஆம உலகம் முழுக்க பசி பட்டினியல இறக்கும் குழந்தைகளுக்கான் சேவையில்  வாழ்நாள் முழுக்க ஈடுபட நினைத்தார் . அவர் எண்ணத்தை அறிந்த  உலக குழ்ந்தைகள் நலனுக்கான் யூனிசெஃப் நிறுவனம் அவரை  தஙகள் தூதுவராக தத்தெடுத்துக்கொண்டு  உலக நாடுகள் முழுக்க சுற்றுப்பயணம் அனுப்பியுது. குறிப்பாக ஆப்ரிக்க தென் அமெரிக்க ஏழை நாடுகளுக்கு சென்று அந்த குழந்தைகளின்  நலனுக்காக நிதி சேர்க்கும் பணியில் ஈடுப்ட்டார் .கடைசியாக் சோமாலியா நாட்டு குழந்தைகளை சென்று சந்தித்துவிட்டு  திரும்பியவுடன் வயிற்றில் வலி ஏற்பட்டு லாஸ் ஏஞ்செல்ஸ் மருத்துவமனைக்கு செல்ல அவருக்குஅங்கு புற்று நோய் கண்டறியப்ப்ட்டது. ஜனரி 20 1993ல் ஆட்ரே ஹெப்பர்பென் எனும் தேவதை தன் 63ம் வயதில் இந்த பூமியை விட்டு மறைந்தார் .  அவர் இறந்து 30 வருடங்கள் ஆகிறது இன்றும்  அவர் புகழ் நாளுக்கு நாள் கூடிக்கொண்டே இருக்கிறது .உலகமெங்கும் உள்ள  அவரது ரசிகர்க:ள் இன்றும் அவர்  பிறந்த நாளை கொண்டாடி  அந்த தேவதையின் புகழை பரப்பி வருகின்றனர்

 நன்றி : தேவதை  ஞாயிறு இணைப்பிதழ் தினத்தந்தி 

 

 

 

 

 

June 20, 2021

அகிரா குரசேவாவின் ஆகச்சிறந்த நான்கு திரைப்படங்கள்

 


உலக சினிமாவில் நீங்கள் எத்தனை படம் வேண்டுமானாலும்  பார்க்கலாம் ஆனால் அத்தனை படங்களும் சொல்ல வருவதை குரசேவாவின் நான்கே படங்கள் மொத்தமாய் உங்களுக்கு கற்றுக்கொடுத்துவிடும்

குரசேவா இயக்கிய அவரது 29 திரைப்படங்களுள் காலத்தால் அழியாத மகத்தான காவியங்களாக ஐந்து  திரைப்படங்களை விமர்சகர்கள் குறிப்பிடுகின்றனர். மிகச்சிறந்த பத்துபடங்கள் என உலக சினிமாவின் எந்த ரசிகர் பட்டியலிட்டாலும் அவரது இந்த ஐந்து  படங்களில் ஏதவாது ஒன்று திரும்ப திரும்ப இடம்பெறும். அவை ரோஷ்மான் , செவன் சாமுராய் , இகிரு , ரெட் பியர்ட். டெர்ஜு உசாலா

இந்த ஐந்து தனித்தன்மை வாய்ந்த படங்களும் ஒன்றோடு ஒன்று முற்றிலும் மாறுபட்ட வகைப்பாட்டைச் சார்ந்தவை. இவற்றில் ரோஷ்மான், செவன் சாமுராய் இரண்டும் தொழில் நுட்பத்தின் அசாத்திய மேதமைகளை  உள்ளடக்கியவை. ரோஷ்மானின் விரிந்து அகன்ற காமிரா கோணங்களில் ஜப்பானிய நிலவெளிகள் நமக்குள் கற்பனைக் கெட்டாத  அமானுஷ்யத்தை முன்னிறுத்துபவை. மனித மனங்களின் இருண்மையை மட்டும் அவை போதிக்கவில்லை. காலமும் வெளியும் துண்டு துண்டாக சிதைக்கப்படும் போது உண்மையின் விசுவரூபத்தை வேறு வடிவத்தில் அனுபவமாக நம்  கண்முன் நிறுத்துகிறது . இந்த பிரம்மாண்டம் பேரிலக்கியங்களில் கூட காணப்பெறாதது. சினிமாவின் உச்ச பட்ச சாத்தியம் இதுதான். ரோஷமானில் பார்வையாளனும் ஒரு பாத்திரம் அவன்  உடல் இருக்கையில் இருந்தாலும் அவனும் படத்தின் ஒரு பாத்திரமாக  வெவ்வேறு காலத்தில் நுழைந்து உண்மைகளை அவனே  உள்வாங்குகிறான்/. பாத்திரங்கள் உளவியல் அவை பேசும் உண்மை ஒருபுறமிக்க  இயற்கை நம்மோடு பேசும் உண்மை வேறு ஒரு பிரம்மாண்டம் .  மரவெட்டி காட்டில் நடக்கும் போது மரங்களுக்கு நடுவே பயணிக்கும் சூரியனும் முதல் காட்சியிலும் இறுதிக்காட்சியிலும்  பிரம்மாண்ட வாயிலில் கொட்டும் மழையும் சொல்லும் உண்மைபேரிலக்கியங்களை தோற்கச்செய்ய வல்லது . சினிமா எனும் கலை ஏன் அனைத்து கலைகளினும் உயர்ந்தது என்பதற்கு ரோஷமானைவிட   சாட்சி வேறு எதுவும் இல்லை

 அதே போல செவன் சாமுராயில் பல காமிராக்களை கொண்டு படம்பிடிக்கப்பட்ட அதன் இறுதிக்காட்சியின்  படத்தொகுப்பு காலத்தை நம் முன் உறைவைத்து வெறும் கண்கள் முன் முப்பரிமாணத்தை திரையில் நிகழ்த்திக்காட்டுபவை. குதிரைகள் திரையிலிருந்து நம் கண்களை கடந்து மூளைகளுக்கப்பால் தடதடக்கும் பிரமிப்பை உண்டாக்குபவை.

 


அதே போல இகிருவும் ரெட் பியர்டும் உணர்வு ரீதியாக பெரு இலக்கியங்களின் சாதனையை அகத்தே கொண்டவை. ரெட் பியர்டில் பாலியல் தொழிலுக்கு பலியான சிறுமியை இளம் மருத்துவன் மீட்கும் காட்சி உலக சினிமாவின் அழுத்தமான தடம். சினிமா இலக்கியத்தை காட்டிலும் உண்னதமானது என்று சொல்லவைக்கும் தருணம். படத்தில்  உடல்கள் படும் வேதனைகளின் முனகல்கள் மனித இருப்பின் அவலத்தை நம்மிடம் முறையிடுகின்றன. அவற்றுக்கு சிகிச்சை செய்வது என்பது இறைவனை கடந்து செல்வது அல்லது இறைத்தன்மையை கடந்து செல்வது என்பதை மூத்த மருத்துவரான மிபுனே இளைய மருத்துவனுக்கு  விளக்கும் காட்சியில் வாழ்வின் மறுபக்கத்தை நமக்கு குரசேவா உணர்த்திவிடுகிறார். இதே போலத்தான் இகிருவில்   இறப்பதற்கு முன் இந்த உலகத்திற்கு  எதையாவது செய்துவிட வேண்டும் என விரும்பும் Kanji Watanabe பாத்திரமும் வாழ்க்கையில் நாம் செய்ய மறந்த காரியங்களை நமக்கு எச்சரித்து செல்கிறது.

இந்த நான்கு திரைப்படங்களையும் ஒரு சேர பார்க்கும் ஒருவன் இரண்டு விஷயங்களில் ஒரு சேர உயரத்தை அடைய முடியும். ஒன்று வாழ்வின் சகல உண்மைகளையும் அறியும் மேதமை, இரண்டு திரைப்படம் எனும் கலையின் உயர்ந்த கலா தரிசனம்.

இலக்கியம் கலை , தத்துவம் , உறவுகள் , ஆண்மீகம், காதல் என வாழ்க்கையின் அனைத்து பருண்மைகளிலும்  அவரது இந்த நானகு  திரைப்படங்கள் நமக்கு வாழ்வின் அனுபவத்தை உன்னத நிலைக்கு உணர்த்துகின்றன்  


ajayan bala

 

 

June 16, 2021

செம்மொழி சிற்பிகள் - என் எழுத்துல வாழ்வின் பெருமைமிக்க தருணம்

 


2010ஆம் ஆண்டு கோவை செம்மொழி மாநாட்டையொட்டி ஏதாவது புதியதாக செய்யவேண்டும் என அப்போதைய திமுக ஆட்சியின் செய்தி மற்றும் விளம்பரத்துறை அமைச்சராக இருந்த திரு. பரிதி இளம் வழுதி விரும்பி அவரது தனிச்செயலராக பதவி வகித்த திரு. நாச்சி முத்து அவர்களிடம் கூற திரு நாச்சிமுத்து என்னை தொடர்புகொண்டு ஆலோசித்தார். எங்களுடன் மறைந்த பெரியார் சாக்ரடீஸு அவர்களும் கலந்துகொள்ள நால்வரும் ஆலோசனை செய்து தமிழுக்காக தொண்டாற்றி மறைந்த அறியப்படாத அறிஞர்கள் நூறு பேரை தொகுத்து அதை உயர்தரத்தில் ஆங்கில மொழிபெயர்ப்புடன் வெளியிடலாம் என முடிவு செய்தோம். அதன் பேரில் ஆறு மாத கடும் உழைப்பின் பலனாக செம்மொழி சிற்பிகள் நூல் உருவாக்கம் பெற்றது. முதலில் நூறுபேரை தேர்வு செய்வதில் துவங்கி அவர்களை பற்றிய தகவல் திரட்டுவது வரை திரு. நாச்சிமுத்து மற்றும் பெரியார் சாகரடீசு அவர்களின் பணி முக்கியத்துவம் வாய்ந்தது. அவர்கள் திரட்டிய செய்திகளை படித்து தொகுப்பதுதான் என் வேலை . ஒவ்வொரு அறிஞர் குறித்தும் அனைத்து புத்தகங்களையும் படித்து சாரமாக எடுத்து அதை ஒருபக்க அளவில் எழுதுவது கடுமையான பணி. காரணம் தகவல்கள் மிக்க பழமையான நூல்களில் படிக்கவே முடியாத நிலையில் இருந்தன. ஒவ்வொருவர் பற்றியும் முழுமையாக படித்து எழுதுவது ஒவ்வொரு பாறாங்கல்லாக சுமந்து மலையேற்றி இறக்கி வைக்கும் காரியமானது. இப்படியாக நூறுபேரையும் எழுதிமுடிக்க 6 மாதகாலம் ஆனது. பின் நான் எழுதியவற்றை ஆங்கிலத்தில் மொழிபெயர்க்க யாரை பணியமர்த்தலாம் என முயற்சித்த போது ரமேஷ் சக்ரபாணி முன் வந்தார். பின் ஒவ்வொரு அறிஞரையும் ஓவியமாக வரைந்து கட்டுரைகளின் முகப்பிலிடலாம் என முடிவுசெய்தபோது ஓவியர் பச்சை முத்து எங்களுடன் கைகோர்த்தார். ஒருவழியாக பணிகள் அனைத்தும் முடிவடைந்த நிலையில் புத்தகத்தை விஜயன் அழகான முறையில் வடிவமைத்து கொடுத்தார். புத்தகத்தை அச்சாக்கி முழுமையாக்கும் பணியில் பெரியார் சாக்ரடீசு மற்றும் நாச்சிமுத்து ஆகியோர் பொறுபேற்று சிறப்பான முறையில் வடிவமைத்து கொடுத்தனர் .

செம்மொழி மாநாட்டையொட்டி மேடையில் கலைஞர் கையால் இந்நூலை வெளியிடலாம் என முடிவு செய்தோம். ஆனால் ஏற்கனவே நிகழ்ச்சி நிரல் முழுமையாக திட்டமிட்ட படியால் மேடையில் வெளியிடமுடியாமல் தனிப்பட்ட முறை நிகழ்வில் கலைஞர் கையால் வெளியீடு செய்தோம். புத்தகம் சிறப்பாக உருவாக்கம் பெற்றாலும் இதை சந்தைப்படுத்துவது என்பது சிரமமாக இருந்தது. காரணம் 130 ஜி எஸெம் டிராயிங் பேப்பரில் ஒருகிலோ எடையுள்ள கார்ட் பவுண்டாக மெகாசைசில் புத்தகம் இருந்தபடியால் விற்பனைக்காக அங்காடிகளில் வைப்பதும் வெகு சிரமமாக இருந்தது. மேலும் தொடர்ந்து அதிமுக ஆட்சி காரணமாக எதிர்பார்த்தபடி நூலக ஆர்டரும் இல்லாமல் போக புத்தகம் வெறுமனே குறுகிய வட்டங்களில் புத்தக கண்காட்சிகளில் மட்டுமே விற்பனை செய்ய முடிந்தது. கடந்த எட்டு வருடமாக இப்படியாக இந்த எங்களின் கடுமையான உழைப்பு பயனில்லாமல் முடங்கிக் கிடந்த நிலையில் கடந்த திங்களன்று இந்த நூலுக்கு கிடைத்த முக்கியத்துவம் எங்களை பேரதிர்ச்சியிலும் இன்பத்திலும் ஆழ்த்தியது. திமுக தலைவர் திரு.மு..ஸ்டாலின் டெல்லியில் காங்கிரஸ் தலைவர் சோனியா காந்தியை சந்தித்து அவருக்கு பிறந்தநாள் பரிசாக எதையாவது கொடுக்க விரும்பியபோது அப்போது அவர்கண்ணுக்கு நண்பர்கள் முன் வைத்த புத்தகம் எங்களுடைய செம்மொழி சிற்பிகள். இவ்வளவு அருமையான புத்தகம் எப்படி இத்தனை நாள் எங்களுக்கு தெரியாமல் போனது என திரு. ஸ்டாலின் அவர்கள் நெகிழ்ந்து உடனே எனக்கு மூன்று நூல்கள் வேண்டும் என கட்டளையிட திரு.செந்தில் மூலமாக என்னை தொடர்பு கொண்டனர். நான் அப்போது சென்னையில் இல்லை. மனைவியும் இல்லாத சூழலில் உதவியாளர் மூலமாக அலுவலகத்தில் யாருக்கோ பார்சலில் அனுப்ப காத்திருந்த இரண்டு பிரதிகள் மற்றும் நண்பர் மீரா கதிரவன் கைவசம் வீட்டிலிருந்த புத்தகம் என நூல்களை உதவியாளர் ஜேம்ஸ் மூலம் பெற்று அறிவாலயத்தில் ஒப்படைத்தோம் .

அப்போதுகூட நான் எதிர்பார்க்கவில்லை.மறுநாள் தினத்தந்தி நாளிதழில் முதல் பக்க கொட்டை எழுத்து செய்தியாக திரு. ஸ்டாலின் அவர்கள் சோனியா காந்தியை சந்தித்து கைகுலுக்கிய செய்தியுடன் எங்கள் புத்தகம் பரிசளித்த செய்தியும் இடம்பெற்றதை அறிந்தபோதுதான் மகிழ்ச்சி கடலில் திளைத்தேன். எட்டு ஆண்டுகளுக்கு முன் கடுமையாக உழைத்த உழைப்பு இன்று முக்கியத்தும் பெற்ற சம்பவம் ஒரு தேசிய விருது கிடைக்கப் பெற்றதற்கு ஈடான மகிழ்ச்சியை எனக்கும் எங்கள் குழுவுக்கும் உண்டாக்கியது.

உண்மையான உழைப்பு என்றும் வீணாகாது, ஒருநாள் அது மாலை சூடும் என்பதற்கு இது ஓர் எடுத்துக்காட்டு என்பதற்காக இதை பதிவு செய்கிறேன்.

இந்த புத்தக உருவாக்கதில் என்னோடு பங்களித்த திரு. நாச்சிமுத்து அவர்களுக்கு நன்றி. மேலும் இப்புத்தகம் உருவாக மூல காரணமான முன்னாள் அமைச்சர். திரு.பரிதி இளம்வழுதி மற்றும் புத்தகப் பணியில் கடுமையாக உழைத்த பெரியார் சாக்ரடீஸ் ஆகியோர் இன்று நம்மிடம் இல்லை. அவர்களை கண்ணீர் மல்க நன்றியுடன் நினைத்துக்கொள்கிறேன். மேலும் எனது எழுத்தை ஆங்கிலத்தில் மொழிபெயர்த்த Chakrapani Ramesh மற்றும் ஓவியங்கள் வரைந்து தந்த Thillaikkannu Pachaimuthu ஆகியோருக்கும் வடிவமைத்த Vijayan Masilamani ஆகியோருக்கும் நெஞ்சார்ந்த நன்றிகள்.


அஜயன் பாலா

இந்த படைப்பை உங்கள் வலைதளத்தில் காண்பிக்க

 

என்னை மாற்றிய புத்தகம் -இல்லூஷன்ஸ் – ஆங்கில நாவல் – ஆசிரியர் : ரிச்சர்ட் பாஹ் -- அஜயன் பாலா

      என் வாழ்க்கையில் எத்தனையோ நூல்கள் என்னை நெகிழ்த்தியிருந்தாலும் ஒரு புத்தகம் அதிசயம் போல என் வாழ்க்கையை   மாற்றியமைத்தது . வெற்றிகர...